2019-cu ilin sonlarında Çinin Uhan şəhərində ortaya çıxan koronavirus dünyada sürətlə yayılır. Hazırda 205 ölkədə qeydə alınan virusu martın 11-də Ümumdünya Səhiyyə Təşkilatı pandemiya elan edib. Son məlumata görə, COVID-19 infeksiyasına indiyədək yoluxanların sayı 1 130 000-i ötüb. Dünyada koronavirusa yoluxanlar arasında idman ictimaiyyətinin nümayəndələri də az deyil.
Bəs görəsən Azərbaycanda bu arzuolunmaz virusa görə karantin altına alınan idmançı və ya idman adamları varmı?
"Report" agentliyinin əməkdaşı bu sualla bir neçə məşqçiyə, bəzi federasiyalara, eləcə də Gənclər və idman Nazirliyinə müraciət edib:
Elnur Amanov (Taekvondo üzrə qadınlardan ibarət millinin baş məşqçisi və kişilərdən ibarət yığmanın köməkçi-məşqçisi): “Yığma üzvlərindən heç kimdə problem yoxdur, hər birinin səhhəti qaydasındadır. Martın əvvəllərində Niderlanddakı yarışdan qayıdanda hamı aeroportda yoxlanışdan keçdi və evə buraxıldı. Heç kim karantin altına alınmadı. Çünki həmin vaxt Niderlandda virus demək olar ki, yayılmamışdı. Sevindirici haldır ki, indiyə qədər heç bir idmançıda virus aşkarlanmayıb. Hamısı öz evlərindədirlər. Əlaqə saxlayırıq. Məşq edib, videolarını məşqçilərə atırlar, biz də baxıb tapşırıqlarımızı veririk. Nə vaxt icazə versələr, məşqlərə başlayacağıq. Hələ ki, federasiya bağlıdır”.
Şahin Xudaverdiyev (Karate üzrə kişilərdən ibarət millinin böyük məşqçisi): “İdmançılarımızdan heç kim xəstələnməyib, hər şey qaydasındadır. Martın əvvəlində Avstriyanın Zalsburq şəhərində yarışda olduq. Həm gedəndə, həm də gələndə xüsusi aparatlarla bizi yoxladılar. Avstriyada da yoxlanışdan keçdik. O vaxtdan bu yana 1 ay keçib. Sevindirici haldır ki, heç bir idmançıda problem aşkarlanmayıb. Nə isə olsaydı, çoxdan üzə çıxardı. Hər şey əladır. Uşaqlarla daim əlaqədəyik, deyirik ki, ora-bura getməyin. Özləri də karantin rejiminə ciddi əməl edirlər. Hamısı fərdi məşq edir. Azyaşlıları nəzarətdə saxlayırıq. Məşqlərini videoya çəkib, bizə göndərirlər. Əsas yığma komandadır. Formadan düşmək olmaz, hazır olmaq lazımdır. Yarışlar hər an başlaya bilər”.
Firdovsi Umudov (Azərbaycan Güləş Federasiyasının sərbəst güləş üzrə vitse-prezidenti): “İdmançıların hamısının səhhəti yaxşıdır. Koronavirusa görə heç bir problemlə üzləşməmişik. Heç kim karantinə alınmayıb. Hər biri öz evində fərdi qaydada məşqlərinə davam edir. İdmançılara xüsusi proqram vermişik, onun əsasında hazırlaşırlar”.
Nəriman Abdullayev (Boks üzrə Azərbaycan millisinin böyük məşqçisi): “Böyük Britaniyanın paytaxtı Londondakı Avropa Olimpiya Təsnifat Turnirindən qayıdarkən hamı hava limanında yoxlanıldı. Heç kimi karantin altına almadılar. Nə isə olsaydı, üzə çıxardı. Yenidən analiz götürüb-götürməyəcəklərini bilmirəm. Mənə bu barədə heç nə deyilməyib. Bütün idmançılar diqqət mərkəzindədir. Hamısı öz evində fərdi məşq edir. Legionerlər də Bakıdadırlar. Heç biri ölkəsinə qayıtmayıb. Ümumiyyətlə, kiminsə bunun üçün federasiyaya müraciət etdiyini də eşitməmişəm”.
Azərbaycan Boks Federasiyasından isə bildiriblər ki, Böyük Britaniyanın paytaxtı Londonda Avropa Olimpiya Təsnifat Turniri yarımçıq dayandırıldıqdan sonra Bakıya qayıdarkən komandanın hər bir üzvünün burnundan yaxma götürülüb: “Qaydalara uyğun olaraq və idmançıların sağlamlığı baxımından bu, çox vacib idi. Bizdə olan məlumata görə, hamıda testin nəticəsi neqativ çıxıb”.
Federasiyadan verilən məlumata görə, aprelin 15-də yenidən analiz verib, məşqləri qapalı şəraitdə bərpa etmək planlaşdırılsa da, hazırkı durum üzündən hazırlıq prosesi yenidən təxirə salınıb: “Nazirlər Kabineti yanında Operativ Qərargah aprelin 20-dək hərəkət məhdudiyyəti tətbiq edib, həmçinin ölkədə bütün idman qurğularının işi dayandırılıb. Hər şey növbəti qərarlardan asılı olacaq. Yığma üzvləri digər idman növlərində olduğu kimi, evdə fərdi məşqlərlə kifayətlənirlər. Millimizin baş məşqçisi plan üzrə lazımı tapşırıqlarını verir, ehtiyac olduqda telefonla əlaqə də saxlayır. Bununla yanaşı, idmançılarımıza həkimimiz tərəfindən lazımı tövsiyələr verilib”.
Gənclər və İdman Nazirliyinin Mətbuat katibi Səmayə Məmmədova isə deyib ki, idmançılardan kimsə koronavirusa görə karantinə alınsa, o dəqiqə mətbuata məlumat verilər: “Beynəlxalq turnirlərdə iştirak edənlərin hamısı qayıdıb. Son olaraq, boksçularımız Londondan gəliblər. Tək idmançılar deyil, həmin reyslə gələn bütün vətəndaşlardan test götürüldü. Hələ bizi narahat edəcək halla rastlaşmamışıq”.
Koronavirus pandemiyasına görə bağlanan idman qurğuları barədə də danışan S.Məmmədova həmin obyektlərdə mütəmadi yoxlamaların aparıldığını bildirib: “Gənclər və İdman Nazirliyinin balansındakı bütün idman qurğuları müvəqqəti bağlıdır. Ona görə də həmin obyektlərə giriş-çıxış yoxdur. Əvvəlcədən dezinfeksiya işləri aparılmışdı. Mütəmadi olaraq, idman qurğularında yoxlamalar gedir. Bağlanmaq o demək deyil ki, tamamilə nəzarətsiz qalır. Nə zaman rəsmi qərar verilsə, qurğular həmin vaxt açılacaq”.
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu