Haciyevskinin komandası final mərhələsinə bir addım da yaxınlaşdı

Haciyevskinin komandası final mərhələsinə bir addım da yaxınlaşdı
DÜNYA FUTBOLU 25 Yanvar 2010 / 13:04 1555
-  A +

“Bakı”nın və milli komandamızın sabiq baş məşqçisi Coko Haciyevskinin çalışdırdığı “Atromitos” klubu Kipr çempionatında növbəti oyununu keçirib. Qol.Az-ın məlumatına görə, öz meydanında “Akritas Chlorakas”ı qəbul edən “Atromitos” rəqibini 2:0 hesabı ilə məğlub edib. Haciyevskinin komandasına qələbə gətirən qollara qarşılaşmanın 19-cu dəqiqəsində Hatzivasilis və 81-ci dəqiqəsində Kimoto imza atıblar. Bu qələbə sayəsində xallarının sayını 28-ə çatdıran “Atromitos” final mərhələsinə bir addım da yaxınlaşıb.
Xatırladaq ki, çempionatın reqlamentinə əsasən ikinci dövrə başa çatdıqdan sonra “ilk dördlük”də qərarlaşan komandalar həlledici mərhələyə vəsiqə qazanacaqlar. Hazırda 28 xalla dördüncü pillədə qərarlaşan Haciyevskinin komandası üçüncü pillədəki “AEK Larnaca”dan 1, ikinci yerdəki “Othellos Athienou”dan iki xal geri qalır. Növbəti turda da bu iki komanda bir-birilə qarşılaşacağından, “Atromitos” “PAEEK”ə qalib gələcəyi halda, turnir cədvəlində daha yuxarı pilləyə qalxa bilər.   

 

Daha çox


Son xəbərlər
13.11.19  20:50

Vengerin yeni iş yeri

13.11.19  13:33

9 ay sonra qayıtdı