21:59
İyunun 9-da İspaniya Futbol Federasiyasının idman və texniki direktoru Fernando Yerro “Azercell” şirkətinin baş ofisinə gələrək şirkət prezidenti Ali Ağanla görüşüb. «Azercell» şirkətindən Qol.Az-a verilən məlumata görə,
görüşdə Azərbaycanda futbolun inkişafı perspektivləri və özəl sektorun idmana dəstəyinin vacibliyi müzakirə edilib. Fernando Yerro eyni zamanda “Azercell” futbol komandası ilə də tanış olub.
Qeyd edək ki, iyunun 2-də Kayseridə Türkiyə- Azərbaycan, eyni zamanda iyunun 6-da Bakıda keçirilən Azərbaycan- Uels oyunlarının yayım sponsoru “Azercell” idi. Sözügedən oyunlar müvafiq olaraq ANS və AzTV kanallarında canlı yayımlanmışdı.
“Azercell Telekom”dan bildiriblər ki, şirkətlə AFFA arasında imzalanan müqavilənin şərtlərinə əsasən, şirkət Azərbaycanda futbolun inkişafına dəstək verən hər bir layihəyəyə imza atacaq. Əsasən də uşaq futbolunun inkişafına yönələn layihələrin reallaşmasına yardım göstərəcək. Şirkət Azərbaycanda uşaq futbolunun inkişafına dair layihələrə də imzasını qoyacaq.
Bundan əlavə “Azercell” AFFA-nın təşkilatçılığı ilə keçirilən futbol oyunlarının televiziya ilə yayımına maddi dəstək verəcək.
Sazişə görə, bu mobil operatorun abonentləri istənilən futbol oyunu haqqında SMS vasitəsilə əvvəlcədən elanlar alacaqlar. Bu da futbol həvəskarlarının ölkədə keçirilən oyunlar barədə hər kəsdən əvvəl xəbər tutmasına, daim futbol aləmindəki yeniliklərdən xəbərdar olmağa imkan verəcək. “Azercell Telekom” Azərbaycanda futbolçuların reklamına da xüsusi diqqət ayıracaq. Hətta scratch kartlar üzərində Azərbaycan futbolçularının rəsmlərinin çap olunması da nəzərdə tutulub. Bir sözlə, “Azercell” Azərbaycan futbolu ilə bağlı ictimaiyyətə lazım olan məlumatlarını ötürülməsində önəmli vəzifəni yerinə yetirəcək.
Qeyd edəek ki, “Azercell Telekom” MMC ilə AFFA arasında imzalanmış əməkdaşlıq müqaviləsi çərçivəsində şirkət bu gün saat 21.00-da Tofiq Bəhramov adına Respublika stadionunda Azərbaycan və İspaniya milli komandaları arasında keçiriləcək yoldaşlıq oyununun Az.TV-də canlı yayımlanmasına sponsorluq edəcək.
_22.01.19.jpg)
PSJ hücumçusunu satdı
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu
PFL hakim təyinatlarını açıqladı
