FİFA ilin ən yaxşılarının adlarını açıqladı

FİFA ilin ən yaxşılarının adlarını açıqladı
DÜNYA FUTBOLU 25 Sentyabr 2018 / 00:17 10455
-  A +

Bu gün FİFA 2018-ci il "The Best" mükafatının qaliblərini açıqlayıb.

Qol.az-ın məlumatına görə, Londonda keçirilən tədbirdə ilin ən yaxşı futbolçusuna verilən "The Best" mükafatına Luka Modriç ("Real", Xorvatiya), Məhəmməd Salah ("Liverpul", Misir) və Kriştiano Ronaldo ("Real"/"Yuventus", Portuqaliya) namizəd olub. 

FIFA prezidenti Canni İnfantino mükafatı İspaniya "Real"ın və Xorvatiya yığmasının yarımmüdafiəçisi Luka Modriçə təqdim edib.

İlin ən yaxşı baş məşqçisinin adı məlum olub. Bu, Fransa milli komandasına rəhbərlik edən Didye Deşamdır. Yığma komanda Deşamın rəhbrəliyi ilə dünya çempionu olub. Deşam "Real"ın sabiq baş məşqçisi Zinəddin Zidanı və Xorvatiya yığmasının çalışdırıcısı Zlatko Daliçi qabaqlayıb.  
 
İlin ən yaxşı qapıçısı Belçika yığmasının və hazırda "Real"ın qapısını qoruyan Tibo Kurtua seçilib. O, Fransa millisinin və İngiltərənin "Tottenhem" klubunun qapıçısı Uqo Lyorislə  "Lester"in və Danimarka yığmasının qolkiperi Kasper Şmeyxeli üstələyib.
 
Qadınlardan ibarət komandalar arasında ən yaxşı baş məşqçi nominasiyasında Reynal Pedros birinci olub. "Lion"la (Fransa) Çempionlar Liqasını qazanan mütəxəssis Yaponiya millisindəki həmkarı Asako Takakura və Almaniya yığmasına rəhbərlik edən Sarina Viqmandan üstün olub.

Tədbirdə 2018-ci ilin ən yaxşı qolunun müəllifi də müəyyənləşib. Bu, "Liverpul"un futbolçusu Məhəmməd Salahdır. Misirli yarımmüdafiəçi "Everton"la matçda vurduğu qola görə mükafatlandırılıb.

Qeyd edək ki, ilin ən yaxşı futbolçusu milli komandaların baş məşqçi və kapitanları, eləcədə jurnalistlərlə azarkeşlər arasında aparılan səsvermə ilə müəyyənləşdirilir. Ötən il bu mükafata K.Ronaldo layiq görülüb.

 

Daha çox


Son xəbərlər
12.12.18  22:03

"Liverpul"da ciddi itki

12.12.18  20:01

Pike klub aldı

12.12.18  12:29

"İnter" - PSV - Video