“Qarabağ”ın yarımmüdafiəçisi Miçel Madera Topaz Premyer Liqanın 2-ci turunda “Səbail” üzərində səfərdə 2:0 hesabı ilə qalib gəldikləri oyundan sonra jurnalistlərin suallarını cavablandırıb. Qol.az-ın məlumatına görə, ispan futbolçu əvvəlcə qarşılaşmailə bağlı fikirlərini açıqlayıb.
- Səfər oyunları hər zaman çətin olur. Rəqib güclü komanda olanda işiniz bir az da çətinləşir. Bugünkü oyun da istisna olmadı. İlk dəqiqələrdə oyunumuz istədiyimiz kimi alınmasa da, sonradan nəzarəti ələ ala bildik və qol vəziyyətləri yaratmağa başladıq. Yeni mövsümdə ilk 3 xalımızı qazandıq. Bu cür davam etməliyik.
- Çempionlar Liqasında mübarizəni dayandırdıqdan sonra Topaz Premyer Liqada mövsümün ilk oyununa köklənmək nə dərəcədə çətin oldu?
- Yıxılırsansa, qalxmağı bacarmalısan. Bu, futbolun qanunudur. Özünüz də bilirsiniz ki, bu il Çempionlar Liqasında qruplara qalmaq daha çətindir. Son mərhələlərdə rəqiblərin səviyyəsi daha yüksəkdir. Amma istənilən halda irəli baxmaq lazımdır. Qarşıda digər yarışlar var. Mübarizəni davam etdiririk. Avropa Liqasında yenidən qruplara qalmaq şansımız var. Sadəcə, çalışmaq lazımdır.
- Oyunun gedişində yerdə qaldınız və həkim müdaxiləsi oldu. Özünüzü necə hiss edirsiniz? Zədəniz ciddidir?
- Yox, elə ciddi deyil. Rəqiblə toqquşmadan sonra diz nahiyyəmdən yüngül xəsarət aldım. Yeriyəndə bir az ağrı hiss edirəm. Yəqin, buz qoyulandan sonra keçib gedər.
- Avropa Liqasının qrupuna düşmək üçün “Şerif” səddini keçməlisiniz. Tanış rəqiblə oynayacaqsınız. Ötən il Çempionlar Liqasının 3-cü təsnifat mərhələsində məhz Moldova klubunu mübarizədən kənarlaşdırmışdınız. Bu dəfəki oyunlardan nə gözləyə bilərik?
- Ötən ilki kimi çətin olacağını gözləyirəm. Çox istəkliyik, arzumuz böyükdür. Amma qarşımızda çətin rəqib var. Üstəlik ilk oyunu səfərdə keçirəcəyik. Görək, baş məşqçimiz bizə nə deyəcək. İlk oyundan sonra rəqib komandada nə kimi dəyişikliklər baş verdiyini görəcəyik. Baş məşqçi hansı tapşırıqları versə, onları meydanda yerinə yetirməyə çalışacağıq.
- Ötən il cavab oyununda “Şerif”ə qol vurmuşdunuz. Necə düşünürsünüz, yenə rəqib qapısına yol tapa biləcəksiniz?
- Göylərdə uçmamalı, ayaqlarımızı yerə basmalıyıq. Qolu kimin vuracağı önəmli deyil. Əsas mərhələ adlamaqdır.
- Bayaq qeyd etdiniz ki, arzunuz böyükdür. Yəqin ki, Avroliqada qrupdan çıxmağı nəzərdən tutursunuz. Çünki qrupa düşmək “Qarabağ” üçün elə də böyük hadisə sayılmamalıdır...
- Bunu kim deyir?! Elə dediniz ki, sanki neçə illərdir Çempionlar Liqasının qrupunda oynayırıq və artıq Avroliqada qrupa düşməyi uğur saymırsınız. Cəmi 1 il Çempionlar Liqasında oynamışıq. Bu il alınmadı. Mən belə düşünmürəm. Avropa Liqası da Azərbaycan üçün ciddi yarış sayılmalıdır. Orada da möhtəşəm komandalar var.
- “Şerif”i keçə bilsəniz, qrup mərhələsinin püşkatmasına 2 və ya 3-cü səbətdən qatılmaq şansınız da var. Bu, sizə hər hansı motivasiya verirmi?
- Ümumiyyətlə, səbət məsələsindən anlayışım yoxdur. Öncə “Şerif”ə qarşı oynamaq lazımdır. Ondan sonra bu barədə fikirləşmək olar.
"Real"dan qələbə
Şahruddinin komandası "Qalatasaray"a uduzdu
"Əl-Hilal" ardıcıl 21-ci qələbəsini qazandı
"Mingəçevir" 3 xalı bu cür qazandı - Video
"Liverpul" 48 saat ərzində yeni baş məşqçisini açıqlayacaq
Hidayət Heydərov 4-cü dəfə Avropa çempionu oldu
Şamaxıda vurulan baxımlı qollar - Video
PSJ hücumçusunu satdı
"Şamaxı" və "Mingəçevir"dən qələbə
Azərbaycan U-18 millisinin heyəti açıqlandı
İspaniya futbolunun yeni rəhbəri müəyyənləşdi
“Barselona” De Yonqu satacaq
Finalın nominal meydan sahibi və başlanma saatı bilindi
Azərbaycan millisinin üzvü Macarıstanda bürünc medal qazandı
Aksel Vitsellə müqavilə uzadılır
“Ağdaş”ın baş məşqçisinə 5 oyunluq cəza
AFFA İntizam Komitəsi qərarları açıqladı
AFFA "Neftçi"nin şikayətini təmin etmədi
De Brüynedən baxımlı qol - Video
Mahir Emrelidən Azərbaycan cüdoçularına dəstək
"Karvan" səfərdə 4 qol vurdu - Video
Azərbaycan idmançısından Portuqaliyada üçüncü medal
“Mançester Siti” darmadağınla ikinci pillədə
Azərbaycan millisindən 2 bürünc medal - Avropa çempionatı
Musa Qurbanlının komandası yenə uduzdu
PSJ prezidenti: "Super Liqa mənim üçün mövcud deyil"
Muslera milli karyerasını başa vurdu
Azərbaycan boksçusundan bürünc medal - Avropa çempionatı
Şahmat üzrə Azərbaycan çempionu bəlli oldu
“Sabah” bölgələrdə seçimlərə başlayacaq
Futzal üzrə Azərbaycan kubokunda finalçılar müəyyənləşdi
Azərbaycan cüdoçusu Avropa çempionatının finalında uduzdu
"Sabah" Gənclər Liqasının qalibi oldu
"Karvan" və "İmişli"dən qələbə, lider xal itirdi
Azərbaycanın U-17 millisi Özbəkistana uduzdu
Əliyar Ağayev Fatih Terimin komandasının oyununda
Xavi qərarını niyə dəyişdi?
La Liqanın bəzi oyunları ABŞ-da keçiriləcək
PSJ-nin prezidenti "Qarabağ"ı təbrik etdi - Video, Şəkillər
İstanbul derbisinin hakimi bilindi
Hakimi təhqir etdiyi üçün cəzalandırıldı
"Qəbələ"nin futbolçusu əməliyyat olundu