“Bakı”nın yeni hücumçusunun debütü təxirə salındı

“Bakı”nın yeni hücumçusunun debütü təxirə salındı
XƏBƏR 1 Fevral 2010 / 13:47 2097
-  A +

“Bakı”nın yeni hücumçusu Vyaçeslav Sofronin sabah Premyer Liqanın növbəti turu çərçivəsində “Turan”a qarşı keçiriləcək oyunda forma geyməyəcək. Qol.Az-ın əldə etdiyi məlumata görə, moldovalı forvardın “zolaqlılar”ın heyətindəki debütü ən tez növbəti turda baş tutacaq. Baş məşqçi Bülənt Qorxmaz Vyaçeslav Sofroninin adını Tovuz klubuna qarşı keçiriləcək oyunun protokoluna daxil etməyəcək. Moldovalı hücumçu komandanın oyunqabağı təlim-məşq toplanışından kənarda qalıb.
“Zolaqlılar” bu gün oyunqabağı son məşqini artıq başa vurub. Hazırlıq prosesinin ardından “Neapol” oteldə birgünlük təlim-məşq toplanışına yığışan “Bakı”nın üzvləri artıq qarşılaşmanın başlama saatını gözləyirlər.
Xatırladaq ki, “Bakı” - “Turan” oyunu sabah Tofiq Bəhramov adına Respublika stadionun keçiriləcək. Qarşılaşmaya saat 14:00-da start veriləcək.    

 


Son xəbərlər