«Simurq» Gürcüstana getdi

XƏBƏR 18 Yanvar 2010 / 15:18 1839
-  A +

«Simurq» komandası təlim-məşq toplanışı keçmək üçün bu gün Gürcüstana yola daşüb. Məlumatı Qol.Az-a komandanın prezidenti Zaur Məmmədov verib. Yanvarın 13-dən «Simurq»un məşqlərə başladığını deyən Z.Məmmədov əvvəlcə Gürcüstana yanvarın 19-da getməyi nəzərdə tutduqlarını, sonradan planlarına dəyişiklik etdiklərini vurğulayıb.
Z.Məmmədov təlim-məşq toplanışını hər dəfə Gürcüstanı keçirmələrinə də münasibət bildirib: «Düzdür, biz də Antalyaya gedə bilərik. Amma bizim Gürcüstanla sıx əlaqələrimiz var, orda rəsmi nümayəndəmiz fəaliyyət göstərir. Bizim üçün keyfiyyətli meydançalar təşkil edir, yaxşı sparrinq-rəqiblər seçir. Başqa sözlə, heç bir problem olmur. Biz özümüz də bu qış Antalyaya getməyi nəzərdə tuturduq. Amma çempionatın qrafikindəki dəyişiklik istəyimizə mane oldu». Z.Məmmədov Antalyaya getməməyin maddi məsələlərlə bağlı olmadığını da söyləyib. «Antalyaya getmək bir tərəfdən həm də vaxt itkisidir. Gürcüstan bizə yaxındır. Həm də bizim tələblərə cavab verən rəqiblərlə qarşılaşa bilirik. Bildiyiniz kimi, Gürcüstan klublarının əksəriyyəti qış fasiləsini öz ölkələrində keçir. Bu mənada, bizə rəqib tapmaqda çətinlik yaranmır».

Daha çox


Son xəbərlər
21.12.25  18:54

PSV-dən yeni rekord

20.12.25  22:54

Yamal, Haaland, Keyn...