“Bakı” “İlin ən yaxşı hücumçusu”, müdafiəçisi və baş məşqçisinə qarşı

“Bakı” “İlin ən yaxşı hücumçusu”, müdafiəçisi və baş məşqçisinə qarşı
XƏBƏR 30 Dekabr 2009 / 12:05 1894
-  A +

Yanvarda Moskvada keçiriləcək ənənəvi “MDB və Baltikyanı dövlətlərin çempionlarının Birlik Kuboku”nda “Bakı”yla bir qrupda yer alan Tacikistan çempionu “Vaxş”ın bir neçə üzvü ölkələrində “ilin ən yaxşısı” seçiliblər. Qol.Az-ın Qazaxıstan mətbuatına istinadən verdiyi məlumata görə, “Vaxş”ın hücumçusu Numan Xakimov Tacikistan Futbol Federasiyası tərəfindən “ilin ən yaxşı futbolçusu” seçilib. 31 yaşlı hücumçu son çempionatda 15 oyunda vurduğu 15 qolla həm də birinciliyin bombardiri adını qazanıb. Bu, Xakimovun ikinci belə uğurudur. İki il əvvəl də təcrübəli forvard eyni uğura imza atmışdı.
Tacikistanda ilin ən yaxşı müdafiəçisi də məhz “Bakı”nın rəqibinin heyətində çıxış edir. Söhbət 31 yaşlı Raxmatulla Fuzaylovdan gedir. 2009-cu ilin Tacikistanda ən yaxşı müdafiəçisi elan edilən Fuzaylov əvvəllər Rusiyanın “Şinnik” və “Alaniya” kimi klublarında çıxış edir.
Gözlənildiyi kimi, ilin ən yaxşı baş məşqçisi adı da “Vaxş”ın çalışdırıcısı Asliddin Xabibulloyevə qismət olub.
Xatırladaq ki, “Bakı” Moskvadakı ilk oyununu məhz taciklərə qarşı keçirəcək. Yanvarın 16-ı “Dinamo” manejində baş tutacaq qarşılaşma Bakı vaxtıyla saat 14:00-da başlayacaq.


Son xəbərlər
21.12.25  18:54

PSV-dən yeni rekord