22:53
“Bura gələnə qədər Azərbaycan futbolu barədə məlumatım çox az idi. Yalnız “Qarabağ”ın Avroliqada “Tvente”yə qarşı oyununu izləmişdim”. Qol.Az-ın məlumatına görə, bu sözləri “Bakı”nın yeni transferi Adnan Bərəkət klubun rəsmi internet saytına verdiyi açıqlamada deyib. Hollandiyalı oyunçu futbolçularımızın avropalılardan fiziki və texniki cəhətdən geri qaldığını deyib: “Çempionatınızda mübarizə aparan komandaların fiziki və texniki hazırlıq səviyyəsinin Avropa ilə müqayisədə elə də yüksək olmadığını deyə bilərəm. Amma xoşuma gələn cəhətlər də çoxdur. Bakının müasir Avropa şəhəri olması məni yaxşı mənada təəccübləndirdi. Yeni komandamın kollektivi məni gülərüzlə qarşıladı, səmimiyyət yüksək səviyyədədir. Milli komandanıza almaniyalı Berti Foqtsun çalışdırdığından da xəbərim var. Burada uğur qazanacağıma əminəm”.
Azərbaycan futbolunun sürətlə inkişaf etdiyini, “Bakı”nın qarşısına ciddi məqsədlər qoyduğunu görəndən sonra Azərbaycan çempionuna üstünlük verdiyini bildirən futbolçu sözlərini belə tamamlayıb: “Bakı” barədə menecerim mənə ətraflı məlumat verib. Komanda hər il çempionluq, avrokuboklar üçün oynayır. Bu, Azərbaycana gəlməyimin əsas səbəbidir. İnşallah, komandaya xeyirli olaram”.
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
