21:32
"2009-cu il "Simurq" üçün doğrudan da uğurlu oldu. Mən 2007-ci ildən komandanın şərəfini qoruyuram və bu müddətdə ən yaxşı nəticəni məhz bu il göstərdik. Bürünc medallara sahib çıxaraq, Avropa Liqasında Azərbaycanı təmsil etdik”. Qol.Az-ın məlumatına görə, bu sözləri “Simurq”un kapitanı Aleksandr Malıgin başa çatmaqda olan 2009-cu ili dəyərləndirərkən klubun rəsmi internet saytına verdiyi açıqlamada deyib.
Ukraynalı müdafiəçi “altılığ”a düşməyə çalışacaqlarını bildirib: “Əlbəttə, debüt istədiyimiz kimi uğurlu alınmadı. Məhz həmin məğlubiyyət və bir neçə xırda problemlər üzündən mövsümə yaxşı başlamadıq. Çempionatın gedişində sürət yığsaq da, indiki durumumuz "Simurq" kimi maksimalist insanların çalışdığı komandanı razı sala bilməz. Düzdür, "altılıq"dakı yerimizi qoruyuruq və qalan 5 turda da bu vəzifənin öhdəsindən gəlməyə çalışacağıq”.
Malıgin komandasının son turlardakı uğursuzluğundan da söz açıb: “Ardıcıl 6 oyundur qələbə qazana bilmirik. Nə söyləmək olar? Bu seriya hər hansı bir eniş və ya böhranla əlaqəli deyil. Hər oyuna fərdi yanaşmaq lazımdır. Məsələn, "Qəbələ", "Muğan", "Standard"la görüşlərdə xeyli qol imkanın boşa verdik, "Neftçi" ilə son qarşılaşma ərəfəsində qrip epidemiyası ilə üzləşmişdik. Onu demək istəyirəm ki, uğursuzluqların səbəbini konkret məqamda, konkret vəziyyətdə axtarmaq lazımdır. Fikrimcə, "Qarabağ" və "Neftçi" ilə qolsuz heç-heçələr pis nəticə deyil. Amma əla nəticə də deyə bilmirəm, çünki, "Simurq" prinsipcə evdə qazanılan 1 xala sevinən kollektiv deyil. Bütün oyunlarda məqsədimiz 3 xaldır. "Altılıq" şanslarımız qalır, davam edir. Bu, ilkin məqsəddir və ona çatmaq üçün çalışırıq. 2010-cu ildə daha uğurlu nəticələr göstərəcəyimizə inanıram. Zaqatalalı azarkeşlərə bizə göstərdikləri dəstəyə görə minnətdarlığımı bildirirəm. Biz onlar üçün futbol oynayırıq. Hətta qələbə qazana bilmədiyimiz matçlardan sonra bizə dəstək olurlar. İnanın ki, futbolçu üçün bundan gözəl hədiyyə ola bilməz. Bütün Azərbaycan xalqını, klub rəhbərliyini, həmkarlarımı, dostlarımı Yeni il münasibəti ilə təbrik edirəm. Qoy, 2010-cu il hər birinizin ailəsinə sevinc gətirsin”.
Enrike, Mareska, Flik...
Qallaher, yoxsa Neves?
"Arsenal" Fransa klubunda çıxış edən futbolçuya göz dikdi
Komandasını tribunada təkbaşına dəstəklədi
"Barselona"nın müdafiəçisi zədələndi
"Liverpul" İsakdan narahatdır
“Araz-Naxçıvan”ın qələbəsindən - Video
"Qarabağ"ın rəqibinin hücumçusu klubdan ayrılmağa hazırlaşır
"Atletiko" səfərdə inamlı qələbə qazandı
"Əzmkar qələbə qazandıq" - Elmar Baxşıyev
"Bu qədər qol epizodu ilə qalib gələ bilmədiyimiz oyunu xatırlamıram" - Ayxan Abbasov
Türkiyə klubundan istefa xəbəri gəldi
"Qarabağ" "Qəbələyə", "Araz-Naxçıvan" "Şamaxı"ya qalib gəldi
"Qəbələ" - "Qarabağ" matçındakı 3 qol - Video
PSV-dən yeni rekord
"Barselona"nın futbolçusu sıradan çıxdı
"Hakimin gözündə mənə qarşı nifrət var idi, mübahisəli qərarlar verirdi" - Kaxaber Sxadadze
"Bura "Qarabağ"dır, uşaq bağçası deyil" - Qurban Qurbanov
"Çelsi" müdafiəçisi ilə yollarını ayırmağa hazırlaşır
İspaniya klubu yeni baş məşqçisini açıqladı
