16:49
Futbol üzrə olimpiya çempionu İqor Ponomaryov Azərbaycanda mükafatlandırılacaq. Lent.az-ın mötəbər mənbələrdən əldə etdiyi məlumata görə, 1988-ci il Seul Yay Olimpiya Oyunlarının qalibinə Olimpiya Ordeni təqdim olunacaq.
Mükafatlandırma mərasimi dekabrın sonlarında keçiriləcək Milli Olimpiya Komitəsinin (MOK) ənənəvi toplantısında baş tutacaq.
Olimpiya Ordeni 2007-ci ilin sonlarında təsis edilib. Üzərində MOK-un loqosu əks olunmuş yarımdairə formasında orden Azərbaycanın Olimpiya Hərəkatında xüsusi rolu olan idman xadimlərinə əlamətdar günlərdə təqdim edilir. Bu mükafatın ilk sahibi ölkəmizin və MOK-un prezidenti İlham Əliyev olub. Ötən il bu mükafata bir neçə olimpiya çempionumuz layiq görülüb. Bu dəfə mükafatçılar sırasında SSRİ yığmasının tərkibində Seul olimpiadasının qalibi olan olimpiya çempionu İqor Ponomaryov da var. Digər mükafatçıların adlarına isə hələ aydınlıq gəlməyib.
MOK-un vitse-prezidenti Çingiz Hüseynzadə Lent.az-a açıqlamasında bu xəbəri nə təsdiq, nə də təkzib edib. Onun sözlərinə görə, olimpiya ordeni ilə kimlərin təltif olunması məsələsinə xüsusi komissiyanın iclasında baxıldıqdan sonra aydınlıq gələcək.
Hazırda İsveçdə olan Ponomaryov isə olimpiya ordeni ilə mükafatlandırılacağından məlumatsız olduğunu deyib: “Bundan xəbərim yoxdur. Hazırda Yeni ilə hazırlaşıram. Əgər belə bir mükafata layiq görülərəmsə, çox sevinərəm”.
Xatırladaq ki, 24 fevral 1960-cı ildə Bakıda doğulan İqor Ponomaryov “Neftçi” klubunun üzvü kimi SSRİ-nin olimpiya yığmasının tərkibində 1988-ci il Seul olimpiadasında qızıl medal qazanıb. Sonradan İsveçə yollanan Ponomaryov yerli “Norçepinq” komandasında çıxış edib. Baş məşqçi karyerası ərzində isə o, Azərbaycan yığması, “Qarabağ” və “Xəzər-Lənkəran”, eləcə də Rusiyanın “Maşuk-KMV” komandalarına rəhərlik edib.
“Real”da ciddi itki
Salahdan ÇL-də 50-ci qol
Aldığı zədə karyerasını bitirə bilər
PSJ-nin baş məşqçisi Premyer Liqa yolunda
Avropa Liqasında 1/4 finala ilk onlar yüksəldilər
"Şamaxı" - "Araz-Naxçıvan" matçından - Video
Osimhen milliyə çağrılmadı
16 yaşlı qapıçının debütü təxirə salındı
1-ci liqada bu gün yalnız “Şəfa” qələbəyə sevindi
"Real" və "Atletiko"dan sonra növbə "Qalatasaray"ındır?
Premyer Liqa rekordçusu gələcəyini ailəsinə həvalə etdi
"Mançester Yunayted" onun üçün 100 milyon xərcləyəcək?
"Layiq olmadığımız məğlubiyyətlə üzləşdik" - Ayxan Abbasov
"Oyun heç-heçə də bitə bilərdi" - Andrey Demçenko
Azərbaycan millisi Farer adalarına da böyük hesabla uduzdu
"Araz-Naxçıvan" "Şamaxı"ya qalib gəldi
AFFA İntizam Komitəsinin qərarları açıqlandı
Kvaratsxeliya ÇL tarixinə belə düşdü
Elşən Abdullayev mükafatlandırıldı
"Real" ilk dəfə belə uğur qazanır
"Sportinq"in baş məşqçisi 5:0-dan danışdı
“Şamaxı” - “Araz-Naxçıvan”: Heyətlər
Premyer Liqada daha 5 oyunun hakimləri açıqlandı
