“Qəbələ” çempionatın de-yure liderinə çevrildi

XƏBƏR 30 Noyabr 2009 / 13:51 1959
-  A +

Həftə sonu keçirilən oyunlarla Unibank Premyer Liqada XII turun oyunlarına yekun vuruldu. Qol.Az-ın məlumatına görə, XII turdan sonra “İnter”, “Qarabağ”, “Simurq”, “Xəzər Lənkəran”, “Qəbələ” və “Neftçi” ilk “altılıq”da qərarlaşıb. Cari mövsümdən etibarən “altılıq” sistemi tətbiq olunur ki, buna da əsasən hazırda ilk 6 pillədə qərarlaşan komandaların bir-birləriylə oyunlarda topladığı xallar final mərhələsində də saxlanılacaq.
XII turdan sonra ilk “altılıq”da qərarlaşan komandaların şəxsi göstəricilərinə əsasən formalaşan turnir cədvəlində dəyişiklik baş verib. Səfərdə “Simurq”la oyunda 1 xal qazanan “Qəbələ” “qızıl xal”larının sayını 9-a yüksəldib və hazırda çempionatın de-yure liderinə çevrilib. “Qəbələ” kimi “qızıl xal”larını 1 xal da artıran “Simurq” isə hazırda üçüncü pillədə qərarlaşıb. Lakin “Qəbələ” və “Simurq” digər rəqiblərinə nisbətən 1 oyun artıq keçiriblər.

“Qəbələ” - 9 xal: “Simurq” - 2:1; 1:1, “İnter” - 2:3, “Qarabağ” - 1:1, “Neftçi” - 1:0, “Xəzər Lənkəran” - 1:1

“Xəzər Lənkəran” - 8 xal: “İnter” - 1:0, “Simurq” - 3:0, “Qarabağ” - 0:1, “Qəbələ” - 1:1, “Neftçi” - 0:0  

“Simurq” - 8 xal: “Qəbələ” - 1:2; 1:1, “İnter” - 1:1, “Qarabağ” - 1:0, “Neftçi” - 1:0, “Xəzər Lənkəran” - 0:3

“İnter” - 7 xal: “Simurq” - 1:1, “Qarabağ” - 2:1, “Qəbələ” - 3:2, “Neftçi” - 1:2, “Xəzər Lənkəran” - 0:1

“Qarabağ” - 7 xal: “İnter” - 1:2, “Simurq” - 0:1, “Qəbələ” - 1:1, “Neftçi” - 1:0, “Xəzər Lənkəran” - 1:0

“Neftçi” - 4 xal: “İnter” - 2:1, “Simurq” - 0:1, “Qarabağ” - 0:1, “Qəbələ” - 0:1, “Xəzər Lənkəran” - 0:0

 


Son xəbərlər