Rail Məlikov: "Stadion dəyişikliyinin heç bir fərqi yoxdur"

Rail Məlikov: "Stadion dəyişikliyinin heç bir fərqi yoxdur"
XƏBƏR 29 Noyabr 2009 / 02:17 1958
-  A +

"Neftçi" klubunun futbolçuları Premyer Liqanın XII tur çərçivəsində bugün qarşılaşacaqları "Olimpik-Şüvəlan”la matçdan əvvəl klubun saytına fikirlərini bildiriblər.

Rail Məlikov: “Stadionu dəyişməyimizin heç bir fərqi yoxdur. İstənilən meydançada qələbə qazanmaq gücündəyik. Meydana qələbə qazanmaq üçün çıxacağıq və inanıram ki, buna nail olacağıq. Hazırda rəqiblə müqayisədə ilk “altılıq”da olduğumuzdan, qələbə “Olimpik-Şüvəlan”dan çox bizə lazımdır.”

Suat Usta: “Sanki yerdə idik, son turlardan sonra ayağa qalxdıq. İndi artıq yalnız irəli getmək lazımdır. Sabahkı oyunda rəqibi məğlub edərək, hazırda güclü olduğumuzu bir daha sübut etməliyik”.

Adrian Neaqa: “Çətin oyun olacaq. Ümid edirəm ki, stadiona çoxlu azarkeş gələcək. Çünki fanatlarsız futbol olmur. İnanıram ki, qələbə qazanacağıq”.

Rəşad Abdullayev: “Qələbə seriyasını davam etdirmək əzmindəyik. “Neftçi”ni adına layiq yerə çatdırmaq istəyirik”.

Nazar Bayramov: “İnter”lə oyuna qızdırma ilə çıxmışdım. Amma indi özümü daha yaxşı hiss edirəm. Bizi ağır oyun gözləyir. İsmət Qayıbov adına stadionun ot örtüyü nisbətən ağırdır. Bununla belə, qalib gəlmək üçün əlimizdən gələni edəcəyik”.

Valter Quqlielmon: “Təbii ki, hücumçu həmişə qol vurmaq haqda düşünməlidir. Amma əsas komanda oyunu və nəticədir ki, buna da nail olmağa çalışacağıq. Liderlər qrupunda yerləşən komandalara qarşı daha yaxşı ab-hava ilə çıxmaq üçün sabahkı görüşdə mütləq qələbə qazanmalıyıq”.


 


Son xəbərlər