22:19
“Dünən “Rəvan”a qarşı keçirdiyimiz yoxlama oyununda komanda normal çıxış etdi. Lakin özünüz də bilirsiniz ki, bu tip qarşılaşmalarda nəticə heç vaxt birinci planda olmur. Əsas oyun praktikası qazanmaqdır”. Qol.Az-ın müxbirilə söhbətində bu sözləri “Muğan”ın baş məşqçisi Kamal Alispahiuç deyib. Bosniyalı mütəxəssis komandasının uğursuz çıxışı, eləcə də həftə sonu Unibank Premyer Liqanın növbəti turu çərçivəsində “Bakı”ya qarşı keçirəcəkləri matç haqda da danışıb: “Bu gün çoxları “Muğan”ın uğursuz çıxışından danışır. Amma nəzərə almaq lazımdır ki, bizim heyətimiz digər aparıcı klublarla müqayisədə elə də geniş deyil. İndii halda isə zədəli və cəzalı futbolçularımız var. Bütün bunlar isə komandanın çıxışına təbii ki, təsir göstərir. Bununla belə, biz təslim olmaq fikrində deyilik. Son anadək yarışacağıq. Növbəti turda bizi “Bakı”yla çətin oyun gözləyir. Rəqibimiz çox güclüdür. Düzdür, “Bakı” son vaxtlar elə də gözəl oyun sərgiləmir. Amma son iki çempionat oyununda qalib gəliblər, eyni zamanda kubokda da çətinlik çəkmədən mərhələ adlayıblar. Bu isə komandanın psixoloji durumuna müsbət təsir göstərir. Hər zaman demişəm, bir daha təkrar edirəm, “Bakı” çox güclü komandadır. Sadəcə olaraq, Bülənt Qorxmaza bir qədər zaman lazımdır. Onu yaxından tanıyıram. Türkiyə çempionatında Qorxmaz qarşı da oynamışam. Bütün bu sadaladığım amillərə baxmayaraq, biz “Bakı”yla oyuna yalnız qələbə üçün çıxacağıq. İnanıram ki, məhz bu qarşılaşmada uğursuzluq zolağına son qoyacağıq”.
Ağstafadakı bərabərlik - Video
"Milan" ayrılığı açıqladı
"Real" Endriki icarəyə verdi
"Mançester Yunayted"in 7 hədəfi
İlin ən yaxşısı seçildi
Göygöldəki 7 qol - Video
"Milan" 18 yaşlı hücumçu transfer etdi
Stankoviçin təyinatı açıqlandı
2-ci liqada ilin son oyunları keçirildi
“Zəfər” Liqasında qalib müəyyənləşdi
"Qarabağ" seneqallı hücumçu üçün təklif göndərib
"Neftçi"də səbrlə gözləmək adəti yoxdur" - Qriqorçuk
"Zaqatala"ya texniki məğlubiyyət verildi
