Xalidu Sİssoko: "Bu xəbərlər həqiqətdən uzaqdır"

Xalidu Sİssoko: "Bu xəbərlər həqiqətdən uzaqdır"
XƏBƏR 15 Noyabr 2009 / 15:22 2210
-  A +

“Bakı” klubunun qapıçısı Xalidu Sissoko paytaxt klubunu tərk edəcəyi barədə yayılan xəbərlərə münasibətini açıqlayıb. Qol.Az-ın klubun rəsmi internet saytına istinadən verdiyi məlumata görə, seneqallı qapıçı özünü bütövlükdə “Bakı”lı hesab etdiyini bildirib. “2004-cü ildən etibarən "Bakı"dayam. Bu klub mənim üçün sadəcə bir iş yeri anlamına gəlmir. Bu klubla iki dəfə ölkə çempionu titulunu qazanmışam. Bir dəfə də Azərbaycan kubokunu başımın üzərinə qaldırmışam. Bir futbolçu üçün bundan artıq nə zəfər ola bilər? İstər klub rəhbərliyi, istər məşqçilər, istər futbolçular, istərsə də azarkeşlər həmişə mənim hörmətimi saxlayırlar. Buna görə onlara dərin təşəkkürümü bildirirəm. Son günlər mətbuatda mənim komandanı tərk edəcəyim barədə şaiyələr yayılır. Bildirmək istəyirəm ki, bu xəbərlər həqiqətdən uzaqdır və mən "Bakı"nı tərk etmək fikrini heç yaxına da buraxmıram".

Daha çox


Son xəbərlər