Türkiyənin məşhur idman qəzeti alman şirkətinə satılır

Türkiyənin məşhur idman qəzeti alman şirkətinə satılır
XƏBƏR 10 Noyabr 2009 / 14:11 1852
-  A +

4,8 milyard lirə vergi cəzası qarşısında çətin duruma düşən Türkiyənin ən böyük media qrupu “Doğan Yayım Holdinq”ə aid beş qəzet almanlara satılacaq. “Milliyet”, “Vatan”, “Posta”, “Radikal” və məşhur idman qəzeti “Fanatik” i Almaniyanın media nəhəngi olan “Axel Springer” şirkəti alır.
Satış müzakirələri keçən ay başlayıb və ümumi gündəlik tirajı 1 milyon 200 mindən artıq olan 5 qəzetin “Axel Springer”in nəzarətinə keçməsi razılaşdırılıb. Bu satışdan sonra “Doğan” qrupunun yazılı mətbuatda cəmi iki təmsilçisi qalacaq - “Hürriyet” və “Referans”. “Kanal D”, “CNN Türk”, “Star” televiziyaları da fəaliyyətini “Doğan Yayım Holdinq” çətiri altında davam etdirəcək.
“Axel Springer” ümumilikdə 150 qəzet yayımlayır. Onların arasında gündəlik tirajı 3 milyondan çox olan “Bild” qəzeti də var. Qrupun 32 ölkədə 10 mindən çox əməkdaşı çalışır.

Mənbə: “mediaforum.az”

 


 

Daha çox


Son xəbərlər