"Neftçi"nin futbolçuları "Xəzər Lənkəran"la oyun haqqında nə düşünür?

"Neftçi"nin futbolçuları "Xəzər Lənkəran"la oyun haqqında nə düşünür?
XƏBƏR 7 Noyabr 2009 / 01:32 1957
-  A +

"Neftçi" klubun futbolçuları sabah Unibank Premyer Liqanın X tur çərçivəsində səfərdə "Xəzər Lənkəran"la keçiriləcək oyun haqqında klubun rəsmi internet saytına fikirlərini bildirib. Klubun gənc müdafiəçisi Ruslan Abışovun sözlərinə görə, səfərdə oynamağın onun üçün heç bir önəmi yoxdur. "Qoy, rəqib bizdən çəkinsin. Əsas məqsədimiz qələbə qazanmaqdır. İnşallah, buna nail olacağıq". Serbiyalı qapıçı Vladimir Miçoviç də komandasının qələbə qazanacağını düşünür. "Artıq "Xəzər Lənkəran"la keçirilən bir neçə oyunda "Neftçi"nin qapısını qorumuşam. Lənkərandakı qarşılaşmalardan birində qalib də gəlmişik. Qarşıdakı oyunda da qələbə qazanacağımızı düşünürəm. Çünki hazırda komandamızda qələbə ruhu var". Komandanın estoniyalı müdafiəçisi Dmitri Kruqlov isə oyunun çətin keçəcəyini bildirib. "Bununla belə, çalışacağıq ki, 100 yox, 120 faiz gücümüzü qoyub qələbə qazanaq".

Daha çox


Son xəbərlər