Şahin Diniyev ÇSKA-ya da uduzdu (YENİLƏNİB)

Milli komandamızın keçmiş baş məşqçisi Şahin Diniyevin çalışdırdığı “Terek” bu gün Rusiya çempionatında növbəti oyununu keçirib. Qroznı təmsilçisi Diniyevin rəhbərliyi altında ikinci oyununda səfərdə ÇSKA ilə qarşılaşıb.

ÇSKA - “Terek” 1:0  
Moskva. “Lujniki” stadionu
Baş hakim: Vladimir Pettay

ÇSKA: 35.İqor Akifeyev, 4.Sergey İqnaşeviç, 2.Deyvidas Şemberas, 42.Georgi Şennikov, 24.Vasili Berezutski, 6.Aleksey Berezutski, 17.Miloş Krasiç, 11.Pavel Mamayev, 10.Alan Dzaqoyev, 89.Tomaş Neçid, 26.Seku Olise

“Terek”: 31.Andrey Dikan, 28.Sergey Omelyançuk, 2.Radoslav Zabavnik, 18.Timur Cəbrayılov, 5.Quedes Kleber, 8.Blaqoy Georgiyev, 20.Andrey Kobenko, 17.Adlan Kaçayev, 40.Rizvan Uçiyev, 10.Şamil Lahiyalov, 13.Zaur Seyidov

Şahin Diniyev ikinci oyununda da "Terek"ə xal qazandıra bilmədi.  

Oyun başa çatdı.

90+2. "Terek" son anda hesabı bərabərləşdirməyə çox yaxın idi. Lakin Akinfeyev son anda Clasovun cərimə zərbəsindən vurduğu topu çıxarmaqla komandasına demək olar ki, qələbə qazandırdı.

89. "Terek" hesabı bərabərləşdirməyə çox yaxın idi. Lakin Lahiyalovun zərbəsi qeyri-dəqiq alındı.

85. Krasiç növbəti dəfə fərqdi loyuna üstünlük verir və nəticədə topu itirir.

78. İqnaşeviçin cərimə zərbəsi elə də təhlükəli alınmadı.

74. Diniyev sonuncu əvəzetmə hüququndan yararlanır. Adlan Kaçayevi Levani Qvazava əvəzləyir.

72. Krasiçin növbəti zərbəsi qeyri-dəqiq alındı.

67. Diniyevin həmkarı isə müdafiə xəttini gücləndirir. Karvalyonu Aldonin əvəzləyir.

66. Şahin Diniyev məğlubiyyətdən yaxa qurtarmq üçün bir vaxtlar "Qalatasaray"da çıxış edən Daniel Pnakunu meydana buaxrır. O heç nəylə yadda qalmayan Zaur Sadayevi əvəzlədi.

64. Krasiçin zərbəsini "Terek"in qapıçısı zərərsizləşdirdi.

59. "Terek" oyunda ən real qol epizodunu boşa verdi. Geogriyevin zərbəsindən sonra Akinfeyev möhtəşəm reaksiya göstərərək, qolun qarşısını aldı.

51. ÇSKA-nnı növbəti hücumu. Lakin qapıçı yerindədir.

47. ÇSKA ikinci qolu vura bilərdi. Lakin Mamayevin zərbəsi dirəyin yanından keçdi.

46. Şahin Diniyev ikinci hissəyə əvəzetməylə başladı. Andrey Kobenkonu Oleq Vlasov əvəzlədi.

İkinci hissə başladı.

Birinci hissə başa çatdı.

38. "Terek"in hücumu təhlükəli alındı. Lakin Akinfeyev Kaçayevin asmasından sonra topa yiyələnərək, Lahiyalovun qpaıya zərbə vurmasına imkan vermədi.

36. ÇSKA rəqibini əks hücumda yaxalayır. Lakin Krasiçin zərbəsini qapıçı uzaqlaşdıra bilir.

33. ÇSKA-nın qapısına doğru növbəti zərbə. Lakin Akinfeyev yerindədir.

25. "Terek"in növbəti hücumu. Lakin Georgiyevin zərbəsini Akinfeyev tutdu.

23. Neçid yenə fərqləndi. Lakin bu dəfə sarı vərəqəylə.

21. ÇSKA-nın çexiyalı hücumçusu Neçid fəallığıyla seçilir. Onun başla qapıya vurduğu növbəti zərbəsinin qarşısını müdafiəçilər aldılar.

14. Neçidin 25 metrdən vurduğu qüvvətli zərbəni "Terek"in qapıçısı tutdu.   

12. "Terek" ilk hücumunu qurdu. Kaçayev çətinliklə də olsa, qapıya zərbə endirdi. Akinfeyev yerindədi.

10. Qoldan sonra da ÇSKA hücumlarına ara vermilər. "Hərbçilər" ilk dəqiqələrdən Diniyevin komandasının qapısına doğru sıxışdırıb.

3. QOL. Meydan sahibləri ilk hücumdaca hesabı açdılar. Künc zərbəsindən sonra Neçid hesabı açdı.

Oyun başladı.

Bu matçda Leonid Slutski ÇSKA-nın baş məşqçisi postunda debüt edəcək. 
 
                                                              ***

Şahin Diniyevin rəhbərliyi altında “Terek” ilk oyununu səfərdə “Krılya Sovetov”a qarşı keçirib və rəqibinə 0:2 hesabıyla uduzub.