“Simurq” avrokuboklara vəsiqə qazansa, ev oyunlarını Zaqatalada keçirəcək

XƏBƏR 20 Oktyabr 2009 / 01:35 1900
-  A +

Ötən mövsüm Azərbaycan Premyer Liqasında üçüncü yeri tutub Avroliqada oynamasına baxmayaraq, Zaqatalanın “Simurq” klubu İsrailin “Bney Yehuda” klubunu doğma rayonunda yox, Bakıda qəbul etdi. Səbəb Zaqatala şəhər stadionunun süni qazonunun UEFA standardlarına cavab verməməsi idi. Qol.Az-ın əməkdaşı ilə söhbətində “Simurq”un prezidenti Zaur Məmmədov 2010-cu ildə hər şeyin əksinə olacağını bildirib: “Bu dəfə də avrokuboklara vəsiqə qazansaq, o zaman Zaqatala tarixində ilk dəfə beynəlxalq futbol oyununa ev sahibliyi edəcəyik. Bu məsələ bizim gündəmimizdə olan əsas məsələdir. Hazırda dekabr ayını gözləyirik. Həmin vaxt komandamızın durumuna bir daha nəzər salacağıq. Əgər hər şey biz istəyən kimi olsa, Zaqatala stadionunun UEFA standardlarına çatdırılması üçün ciddi tədbirlər görüləcək. Romandamız avrokuboklara vəsiqə qazanarsa, ev oyunlarını Zaqatalada keçirəcək. Bilirsiniz, doğma azarkeşlər önündə oynamaq tamam başqa şeydir və bu, futbolçuya əlavə motivasiya verir”.

Daha çox


Son xəbərlər