Elçin Həşimov: “Məni “İnter”ə Valentin Xodukin gətirib”

XƏBƏR 26 Dekabr 2008 / 10:54 3285

- A +

“İnter” klubunun dövrələrarası fasilədə transfer etdiyi futbolçulardan biri olan müdafiçi Elçin Həşimovun Qol.Az saytına müsahibəsi

- “İnter”dən dəvət alacağını düşünürdün?
- Yox, fikirləşməmişdim. Mən “İnter” komandasına baş məşqçi Valentin Xodukinin dəvəti ilə gəlmişəm.
- Yeni komandanla nə qədər müqavilə bağlamısan?
- 6 ay burda oynayacağam. Əgər mənim oyunum rəhbərliyi razı salsa, daha bir il də müqavilənin müddəti uzadılacaq.
- “İnter”dən başqa hansı komandalrdan dəvət almışdın?
- İddialı klub idi. Ancaq adını deməyəcəyəm. Razılığa gəlmədiyim komandanın adını söyləməyi düzgün saymıram.
- Bildiyimiz kimi, “İnter” ölkəmizi “Birlik kuboku”nda təmsil edəcək. Yeni komandanın bu yarışlarda hansı nəticə göstərəcəyini ümid edirsən?
- Məncə, bütün oyunlarda qələbə qazanacağıq. Nəticədə də kuboku Azərbaycana gətirəcəyik.
- “Bankirlər”in rəqibləri haqda səndə nə kimi məlumatın var?
- Bilidyimə görə, Finlandiya “İnter”i, “Dordoy-Dinomo” (Tacikistan), "Ventspils" (Latviya) klubları ilə görüşəcəyik. İnternetdən əldə etdiyim bilgiyə görə, bunlar arasında ən güclü klub Finladiya təmsilçisidir. Ancaq biz onlarla mübarizədə qalib olacağıq. Buna əmin ola bilərsiniz.
- Bu cür rəqiblərlə mübarizə aparmaq çətin olmayacaq ki?
- Biz zəif komanda deyilik. “İnter”in də öz dəsti xətti var. Qrupda yer alan komandalarla müqayisədə daha iddialı sayılırıq.
- Necə fikitləşirsən, “İnter” çempionatın birinci dövrəsində adına layiq oyunlar göstərə bilib?
- Əlbəttə. Əgər belə olmasaydı, komanda lider olmazdı. Özünüz də çempionata nəzər salsanız, bunu görə bilərsiniz .
- İkinci dövrədə komandanız iddialı çıxışını davam etdirə biləcək?
- Bəli. Bu, mümkün olacaq. Çünki son ölkə çempionu artıq iz qoymuş klublardandır. Adı gələndə meydançada olan komandanı qorxuya salır. Bu, onun gücünün göstəricisidir.
- Adətən, komandalarımız “Birlik və Baltikyanı” ölkələrin yarışında iştirak etdikdən sonra Premyer Liqada zəif çıxış göstərir. “İnter” belələrindən olmayacaq ki?
- İnşallah olmaz.
- Birinci dövrədəki öz oyununu necə qiymətləndirərdin?
- Buna sizlər yaxşı cavab verə bilərsiniz. Mənim münasibət bildirməyim isə düzgün sayılmır.
- Yeni komandanda legionerlər çoxluq təşkil edir. Rəqabətdə geri qalmaycaqsan ki?
- İnanıram ki, mən daha yaxşı oynamaqla məşqçilər korpusunun sevimlisi olcağam. Güclü olan futbolçu oynayacaq. Zəiflər isə bizdən öyrənəcək.
- Milliyə dəvət almaq istərdin?
- Əlbəttə. Çalışacağam özümü daha yaxşı göstərib, yığmayada dəvət alım. Gərək milli komandada oynayan futbolçu hər tərəfli hazırlıqlı olsun.

Daha çox