Azərbaycanlı Sərvət Çətinin Ermənistana vurduğu qol (VİDEO)

XƏBƏR 15 Oktyabr 2009 / 11:06 2082
-  A +

Dünən dünya çempionatının seçmə mərhələsi çərçivəsində keçirilən Türkiyə - Ermənistan matçı “ay-ulduzlular”ın 2:0 hesablı qələbəsiylə başa çatıb. Qol.Az-ın məlumatına görə, türkiyəlilərin qollarına Həmit Altıntop və əslən azərbaycanlı olan Sərvət Çətin imza atıb. Ermənilərin qapısına azərbaycanlı futbolçunun qol vurmasına Türkiyə mətbuatı xüsusi yer ayırıb. Nüzulu “Hürriyət” qəzeti “Azəri Sərvətin beşinci qolu” başlıqlı yazısında bunları qeyd edib: “Türkiyə - Ermənistan matçında Azərbaycan bayraqlarına qadağa qoyulsa da, “ay-ulduzlular”ın qələbəsində böyük rol oynayan ikinci qolda Azərbaycan əsilli futbolçumuzun imzası var idi. Azəri əsilli Sərvət Çətin 28-ci dəqiqədə topu Ermənistan qapısına göndərməklə dünya kubokunun seçmə mərhələsində ilk qolunu vurdu. Ailəsi İğdırın Tuzluca kəndindən olan Sərvət bir futbolçu kimi İstanbulda yetişib. Çıxış etdiyi hər klubda İğdırın avtomobil dövlət nişanı olan “76” nömrəli forma geyib. Ümumilikdə Türkiyə millisində 52 matça çıxan Sərvət beşinci dəfə rəqib qapısına yol tapdı”.
Xatırladaq ki, İğdır əhalisinin böyük hissəsini azərbaycanlılar təşkil edir.

 

 

Daha çox


Son xəbərlər