Arif Əsədov: “Avropa üçüncüsü olan futbolçu heç vaxt peşəkarlığı kənara qoyub nüfuzuna xələl gətirməz”

Arif Əsədov: “Avropa üçüncüsü olan futbolçu heç vaxt peşəkarlığı kənara qoyub nüfuzuna xələl gətirməz”
XƏBƏR 14 Oktyabr 2009 / 14:28 2068
-  A +

”Çoxları deyir ki, Rusiya guya buraya turist kimi gələcək, nəticə onlar üçün elə də əhəmiyyətli deyil. Amma mən bu fikirlə razı deyiləm. Ortada imic söhbəti var. Rusiya Avropa üçüncüsüdür və bu imicini mütləq qorumağa çalışacaq. Avropada üçüncü pilləni tutan futbolçu heç vaxt peşəkarlığı bir kənara qoyub öz nüfuzuna xələl gətirməz”. Qol.Az-ın məlumatına görə, bu sözləri bu gün keçiriləcək Azərbaycan-Rusiya oyunu haqqında fiikirlərini bölüşən Azərbaycan milli komandasının sabiq üzvü, gənclər arasında dünya və Avropa çempionu Arif Əsədov deyib. O, komandaların şanslarını da dəyərləndirib: “ Düzdür, Hiddinkin daha çox ehtiyatda qalan futbolçulara şans verməsini gözləmək olar. Amma bir tərəfdən də “ehtiyat oyunçular” ifadəsini qəbul etmirəm. Rusiya kimi millidə “əsas” yaxud “ehtiyat” oyunçu olmur. Oradakıların hamısı yüksək səviyyəli futbolçulardır və bir-birlərini layiqincə əvəzləməyi bacarırlar. Qələbə qazanmaq şansımıza gəlincə,  niyə də olmasın? Ruslar da bizdən ehtiyatlanırlar. Məncə, futbolçularımız bu oyuna lazımınca köklənməli və üzərlərinə düşən məsliyyəti dərk etməlidirlər. Hamı bilir ki, matç həm də bizim üçün prinsipial əhəmiyyət daşıyacaq. Yəni bütün bunları futbolçulara başa salmağa ehtiyac olmamalıdr. Şəxsən mən şansları 50/50-yə nisbətində dəyərləndirirəm”.

Daha çox


Son xəbərlər