Kazbek Tuayev: «Rusiya ilə oyun bizim üçün prinsip məsələsinə çevrilib» (MÜSAHİBƏ)

Rusiya ilə sabahkı qarşılaşma ərəfəsində Azərbaycan milli komandasının sabiq baş məşqçisi, veteran futbolçu Kazbek Tuayev “Sovetski sport” qəzetinə müsahibə verib. Qol.Az müsahibəni ixtisarla təqdim edir.

- Azərbaycanda əhval-ruhiyyə necədir? Komandanız hələ də sonuncu qalibiyyət haqqında düşünür?

- Əhval-ruhiyyə əladır. Komandamız seçmə mərhələdə ilk qələbəsini qazandı. Növbəti görüşümüz ruslarladır. Ümid edirəm ki, veterenlarla da görüşə biləcəm. Bakı qonaqpərvər şəhərdir. Biz həmişə şəhərimizdə qonaq qəbul etməkdən məmnunluq duymuşuq. Yeri gəlmişkən, icazə verin, sizi dünya çempionatına vəsiqə qazanmaq münasibətilə təbrik edim

- Əvvəlcədən təbrik etməyin. Bizi hələ «pley-off» matçı gözləyir.

- Bu barədə narahat olmayın. CAR sizi gözləyir. Başa düşürəm, siz çempionata birbaşa vəsiqə qazanmaq istəyirdiniz. Amma təəssüflər ki, bu alınmadı.

- Gəlin, zamanı qabaqlamayaq. Azərbaycan milli komandasının növbəti matçından nə gözləyirsiniz?

- Uşaqlar meydana çıxıb, ölümünə kimi döyüşəcəklər. Bu matç turnir cədvəli baxımından heç bir önəm daşımır. Amma bizim üçün qələbə qazanmaq və yaxud heç-heçə etmək artıq prinsip məsələsinə çevrilib.

- Sizin futbolçular ustalıq səviyyəsini necə əldə edirlər?

- Futbolçularımızın ustalıq səviyyəsi təbii ki, aşağıdır. Əsas odur ki, onlarda mübarizə istəyi və əzmi var. Mənim fikrimə görə, milli komandamızın futbolçuları üçün rəqibin bu dördlüyü - Akinfeyev, İqnaşeviç, Bıstrov və Arşavin problem yaradacaq.

- Adını çəkdiyiniz futbolçuların bəlkə heç birisi sizin futbolçuları üzdən tanımır…

- Necə tanımırlar? Rəşad Sadıqov ən güclü mərkəz müdafiəçisidir. Onu tanımamaq olar? Mən Sadıqovu Valeri Qazzayevə MOİK-də baş məşqçilik edərkən təklif etmişdim. Amma onun bu kluba keçidi İqnaşeviç səbəbindən alınmamışdı. Çünki həmin vaxt o Rəşaddan güclü idi. Bilirsiniz, SSRİ-nın dağılmasından sonra biz futbol hayında olmadıq. Uşaq futbol məktəbləri kadrlar yetişdirmirdi. Bu səbəbdən bizim millidə tanınmış simalar yoxdur. Gələcəkdə isə tamam başqa cür olacaq. Dövlətimiz son vaxtlar çox dəyişib, varlanıb. Siz Bakıya gəlsəniz, bəlkə də onu tanımayacaqsınız. Bütün Qafqaz şəhərləri ilə müqayisədə Bakı - nağıldır. Hər regionda bir neçə idman kompleksləri tikilib. İnternetlar, meydançalar inşa edilir. Təəssüf ki, biz öz nəticələrimizlə idmanın inkişafına böyük dəstək verən ölkə prezidentimizin ümidlərini puça çıxardırıq.

- Berti Foqts barəsində nə deyə bilərsiniz. Ondan narazılığınız var?

- Biz bir neçə məhşur baş məşqçiləri ölkə idmanımızın inkişafına öz töhfəsini vermək üçün Bakıya dəvət edirik. Amma onların heç də hamısı özlərinə böyük inam qazandırmırlar. Foqtsa qarşı da bir neçə etiraz var. Səbəblər isə çoxdur. O, seçmə mərhələdə uğurlu nəticə qazana bilməyib.  Bakıda çox az-az olur və matçlardan sonra tələm-tələsik öz vətəninə yollanır. Ölkə futbolunun inkişafı üçün edilən işlərdə yüksək səviyyədə iştirak etmir. Tez-tez düzgün olmayan ifadələr işlədir. Mənim Berti Foqtsla bağlanan müqavilədə ətraflı nə yazıldığından xəbərim yoxdur. Amma hesab edirəm ki, milli komandanın baş məşqçisi futbolun inkişafında fəal iştirak etməlidir.

- Deyəsən, Foqts federasiya ilə yeni müqavilə imzalamaq üçün alışıb-yanmır…

- Bu barədə biz özümüz fikirləşməliyik. Biz Foqtsu milli komandada görmək üçün alışıb-yanırıq? Təkrar edirəm, baş məşqçi nəticə verə bilmir.

- Foqts gedərsə, onu kimin əvəzləməsini istərdiniz? Milli komandanızın baş məşqçiliyinə namizədlər arasında rus Stanislav Çerçesovun da adı hallanırdı.

- Şəxsən mən ona böyük hörmətlə yanaşıram və onun milli komandaya gətirilməsini ideyasını dəstəkləyirəm. Hesab edirəm ki, Çerçesov böyük futbolçu olub. Onunla heç bir danışıqlar aparılmır. Hazırda AFFA rəhbərliyi Berti Foqtsla müqaviləni uzadıb-uzadmayacağı, yaxud yerinə namizəd axtarmaq haqqında heç bir qərara gəlməyib.

- Azərbaycan futbolunda maliyyə durumu necədir?

- Rusiya premyer liqası ilə müqayisə etmək hələ ki, tezdir. Amma irəliləyiş var.

- Aleksandr Səmədovun bir neçə il əvvəl Azərbaycan milli komandasında oynamaq təklifini rədd etməsinə heyfslənirsiniz?

- Əlbəttə. Səmədov milliyətcə azərbaycanlıdır. O, bizim millinin liderinə çevrilə bilərdi. Bakıya gələrkən biz onu çox yaxşı qarşıladıq. Lakin sonda Rusiya millisini seçməyə qərar verdi. Buna baxmayaraq, biz Səmədovu sevirik və hörmət edirik. Onun “Spartak”dakı hər bir uğuruna sevinirik. Rusiya millisinə hansı səbəbdən dəvət almadığını isə anlaya bilmirəm.

- Azərbaycan çempionatında hansı oyunlar daha çox maraq kəsb edir?

- “Xəzər Lənkəran”nın Bakıda “Neftçi”ylə qarşılaşması, həmçinin “Neftçi” ilə  “Qarabağ” arasındakı matçlar böyük marağa səbəb olur.