Mehmet Ak: "Bülənt Qorxmazın zamana ehtiyacı var"

Mehmet Ak: "Bülənt Qorxmazın zamana ehtiyacı var"
XƏBƏR 29 Sentyabr 2009 / 22:55 1778
-  A +

“Bülənt Qorxmazın Azərbaycana gəlişi gözəl haldır. Amma yaxşı olardı ki, o, mövsümün əvvəllərində komandanın başına gətiriləydi. Çünki o zaman komandanı və Azərbaycan futbolunu daha yaxından tanımış olacaqdı. Hazırkı vəziyyətdə isə işi çox çətin olacaq. Çünki, “Bakı”da çoxlu problemlər var. Mən bu komandanın hazırkı durumunu “Qarabağ”ın ötən mövsümün əvvəlində düşdüyü durumla müqayisə edərdim. Həmin vaxt Ağdam klubu da analoji vəziyyətdə idi”. Bu sözləri Qol.Az-a açıqlamasında Bülənt Qorxmazın “Bakı”ya baş məşqçi gəlməsinə münasibət bildirən “Qarabağ”ın sabiq fiziki hazırlıq üzrə məşqçisi, uzun müddət “Qalatasaray”ın məşqçilər korpusunda yer alan Mehmet Ak deyib. Ak Qorxmazı tərifləməklə bərabər, onun zamana ehtiyacı olduğunu da qeyd etməyi unutmadı: “Bakı”nın “Standard”la son oyununu televiziya vasitəsi ilə izlədim. Bu komandada sürətli oyun çatışmırdı. Düşünürəm ki, Bülənt hocanın işi çox olacaq. Məncə ona vaxt vermək lazımdır. Həm də unutmayaq ki, Azərbaycanın futbol tərbiyəsi, bünövrəsi ilə Türkiyəninki arasında böyük fərq var. Amma Büləntin Azərbaycanda uğur qazanacağına inanıram. Onun ən böyük üstünlüyü isə başına topladığı məşqçilər korpusu ilə gözəl münasibət qura bilmək bacarığıdır”.

 

 


Son xəbərlər