Tahir Süleymanov “Turan”dan getdi

Tahir Süleymanov “Turan”dan getdi
XƏBƏR 23 Sentyabr 2009 / 14:46 2501
-  A +

“Turan”ın icraçı direktoru Tahir Süleymanov istefa verib. Bu haqda Qol.Az-ın müxbirilə söhbətində Süleymanov özü məlumat verib. Keçmiş FİFA referisi addımın səbəbini belə izah edib: “İlk növbədə onub deyim ki, “Turan”dan öz istəyimlə getmişəm. Klubda heç kimlə problemim olmayıb. Bildiyiniz kimi, Tovuz Azərbaycan futbolunun beşiyidir. Burada böyük potensial var. Bu səbəbdən “Turan”da onlarla legioner deyil, yüzlərlə yerli uşaqlar çıxış etməlidirlər. Buradakı gənclərin potensialı nəinki “Turan” və ya digər Premyer Liqa klublarında, hətta xarici ölkələrin çempionatlarında da çıxış etməyə imkan verir. Qısa müddət ərzində “Turan”da böyük işlər gördük. Bundan sonra mənim həmin vəzifədə qalıb-qalmamağımın elə bir fərqi yoxdur. Əsas odur ki, klub özü üçün bir yol seçib və həmin yolla addımlayır. Bu səbəbdən həmin vəzifədə Tahir Süleymanovun və ya bir başqasının yer alması heç də önəmli deyil. Mən klubla birdəfəlik vidalaşmamışam. Gələcəkdə yenidən əməkdaşlıq etməyimiz mümkündür. “Turan”ın, ümumiyyətlə, Azərbaycan futbolunun inkişafı üçün nə lazımdırsa, etməyə hazıram”.
Süleymanov gələcək planları haqda da danışdı: “Tovuzda çox “yükləndik”. Qısa zaman kəsiyində heç də az olmayan işlər gördük. Buna görə də indiki halda bir qədər istirahətə ehtiyac duyuram. Gələcəklə bağlı heç kim dəqiq proqnoz verə bilməz. Bununla belə, başqa klublarda çalışmağım da mümkündür”.


Son xəbərlər