“Xəzər Lənkəran” “Kasımpaşa”yla bacarmadı

XƏBƏR 6 İyul 2009 / 01:14 2467
-  A +

Yeni mövsümün hazırlığını Türkiyədə davam etdirən “Xəzər-Lənkəran” təlim-0məşq toplanışı çərçivəsində ilk yoxlama oyunu keçirib. Qol.Az-a klubun mətbuat xidmətindən verilən məlumata görə, cənub təmsilçisi bu il yenidən superliqaya vəsiqə qazanan “Kasımpaşa” ilə qarşılaşıb. Ağasəlim Mircavadov ilk dəqiqələrdən meydana bu futbolçuları buraxıb: Dmitriy Kramarenko, Aleksandr Şaqoyko, Tomas İneman, İvan Peça, Miroslav Sviyanoviç, Devran Ayhan, Predraq Vuyoviç, Nizami Hacıyev, David Kordoba, Damir Tosunoviç və İvan Svetkov.
Daha sonra meydana Radomir Todorov, Alim Qurbanov, Ceyhun Sultanov, Ruslan Poladov, Rahid Əmirquliyev, Kostadin Canbazov və Denis Silva daxil olublar. Düşərgədə yer alan futbolçulardan Kamran Ağayev, Junior Osvaldo, Fatih Sonkaya və gənc oyunçular bu oyunda forma geyinməyiblər.
Oyuna gəldikdə isə, ilk yarısı qolsuz heç-heçəylə nəticələnən oyunun ikinci 45 dəqiqəsində “Kasımpaşa” daha məhsuldar tərəf olub. Türkiyə Superliqası təmsilçisi 57-ci dəqiqədə hesabı açıb. Qoldan sonra üstünlüyə yiyələnən “Xəzər-Lənkəran” bir çox real qol fürsətlərindən yararlana bilməyib və nətiədə minimal hesablı yenilgiylə barışmalı olub. Baxışda olan bosniyalı Damir Tosunovic 2-3 real şansı boşa verib.

"Ağ-yaşıllar" növbəti yoxlama oyununu iyulun 8-də "Əskişəhirspor"a qarşı keçirəcək.

Daha çox


Son xəbərlər
20.12.25  22:54

Yamal, Haaland, Keyn...

20.12.25  10:02

Salah üzr istəyib