"Komandam xarici klublardan qorxurdu"

"Komandam xarici klublardan qorxurdu"
XƏBƏR 1 İyun 2013 / 15:20 2389
-  A +

“İlk növbədə turnirin təşkilatçısı “Qəbələ” klubuna minnətdarlıq edirəm. Belə turnirlər nə qədər çox olsa, Azərbaycan futbolunda olan gənc oyunçular daha çox inkişaf edər. Baxmayaraq ki, komandam bu turnirdə çox zəif oynadı, yenə də futbolçularımız xeyli təcrübə yığdı”.

Qol.Az-ın məlumatına görə, bu sözləri “Bakı”nın 15 yaşlı futbolçulardan ibarət komandasının baş məşqçisi Adil Şükürov deyib.

II “Qəbələ kuboku” turnirində bu gün “Beşiktaş”a uduzaraq yarışı altıncı yerdə tamamlayan komandanın baş məşqçisi futbolçularından razı qalmadığını bildirib: “Özünüz də gördünüz ki, “Qəbələ”yə qarşı yaxşı oynasaq da, digər klublarla oyunlarda komandam sanki qorxurdu. Bunu da psixoloq aradan qaldırmalıdır. Bu il komandaya psixoloq dəvət etmişik və bu yöndə işlər gedir. Futbolçularımız hər bir xarici kluba qarşı çəkinərək oynayır. Bu da, böyük təcrübəsizlikdən xəbər verir. Həmçinin ümummi Azərbaycan futbolunda olan qol vurmaq problemi də bizim komandada var. Bu yaş qurupunda futbolçu qıtlığı özünü göstərir. Ona görə də seçimimiz azdır. Belə turnirlər nə qədər çox olsa, klublar da, Azərbaycan futbolu da getdikcə inkişaf edəcək və bu problemlər aradan qalxacaq”.


Son xəbərlər
topaz banner