21:48
Rusiya millisinin sabiq hücumçusu Andrey Arşavin “Arsenal” klubunu tərk edib. Qol.Az-ın “Sport-ekpress” qəzetinə istinadən yaydığı xəbərə görə, London təmsilçisi Premyer Liqada son oyununu keçirdikdən sonra A.Arşavin tvitter sosial şəbəkəsi vasitəsi ilə birgə çalışdığı insanlara və azarkeşlərə təşəkkürünü bildirib. Rus futbolçu “Arsenal”a Çempionlar Liqası yarışında uğurlar arzulayıb.
Qeyd edək ki, Arşavinin ingilis klubu ilə müqaviləsi bu yay baça çatırdı. Onunla müqavilənin uzadılmayacağı əvvəlcədən bəlli idi. Çünki bu mövsüm o, əsas heyətdə yerinə itirmişdi. Cəmi 10 matçda meydana çıxan Arşavin ümumilikdə 221 dəqiqə oynamış və bir qol vurmuşdu.
Arşavinin karyerasını hansı klubda davam etdirəcəyi bəlli deyil. Rusiya mətbuatı bu futbolçu ilə Avstraliya və Azərbaycan klublarının maraqlandığını yazıb.
