21:48
“Barselona”nın qapıçısı Viktor Valdes bu komandada 500-ci oyununu keçirib. Qol.Az-ın xəbərinə görə, bu haqda klubun saytı məlumat yayıb.
V.Valdes üçün bu əlamətdar hadisə İspaniya çempionatının 36-cı turunun “Valyadolid”lə oyununda baş verib. Bununla da Valdes Xavi, Karles Puyol və Miqeldən sonra Kataloniya klubunda 500 oyun keçirən dördüncü futbolçu olub.
Qeyd edək ki, Valdes 11-ci mövsümdür ki, “Barselona”da oynayır. O, 500 oyunda öz qapısından 416 top (orta hesabla hər oyuna 0.83 qol) buraxıb. Eyni zamanda Valdes 896 dəqiqə öz qapısından top buraxmamaqla “Barselona”da rekord müəyyənləşdirib. Valdes “Barselona”da 20 müxtəlif mükafat qazanıb.
