20:17
“Mövsüm başa çatdı, son oyunumuzda qalib gəlmək istəyirdik. Bundan öncəki oyunlarda uğurlu çıxış etmişdik. İlk hissədə üstün tərəf idik. Bir neçə qol imkanından yararlana bilmədik".
Qol.Az-ın məlumatına görə, bu sözləri "Qəbələ"nin məşqçisi Luis Araqon Topaz Premyer Liqanın sonuncu turunda "İnter"ə məğlub (0:1) olduqları oyundan sonra deyib.
"İkinci hissədə bərabər səviyyəli oyun getdi. Rəqib əks-hücumda qələbə qolunu vurdu. Əvəzedici komandamızdan əsas heyətə cəlb etdiyimiz futbolçuların oyununu bəyəndim. Tərzin Cahangirov və Kamal Mirzəyevin gələn mövsümdən əsas heyətdə çıxış edə biləcəklərini düşünürəm” - deyə Araqon bildirib.
