20:32
“Komandamı oyuna və qazanılan qələbəyə görə təbrik edirəm. Son oyun olmasına baxmayaraq, futbolçular özlərini yaxşı tərəfdən göstərdilər. Bu, əsl peşəkarlıqdır".
Qol.Az-ın PFL-in saytına istinadən verdiyi məlumata görə, bu sözləri "İnter"in baş məşqçisi Kaxaber Sxadadze Topaz Premyer Liqanın sonuncu turunda "Qəbələ" ilə oyundan (1:0) sonra deyib.
Gürcü mütəxəssis qeyd edib ki, komandada növbəti mövsüm çoxlu dəyişikliklər olacaq.
"Layiqli futbolçular axtarışındayıq. Hər bir komandanın qarşısında minimal və maksimal hədəflər durur. Biz həmişə çempionluğa oynamışıq. Təəssüf ki, bu il alınmadı, üçüncü yeri tutduq. Lakin komandamın bu nəticəsini çox yaxşı sayıram. Minimal xərclə maksimum uğur əldə etməyə çalışırıq. Oyunumuzda daha çox ustalıq çatışmır. Transfer siyasətində daha diqqətli olacağıq. Ustalıq səviyyəsi yüksək olan futbolçular transfer etməliyik” - deyə Sxadadze bildirib.
