20:32
"Məşqçilik karyeramın ən pis mövsümünü keçirdim. Bəzən önəmli uğurlar əldə edə bilmirsiniz. Bu mövsüm uğursuz oldum. Superkuboku qazandıqdan sonra böyük uğur əldə edə bilmədim. Hər şey yaxşı gedəndə məşqçini tərifləyirlər. Ancaq nəticələr pis olanda bütün günahı baş məşqçinin üstünə atırlar".
Qol.Az-n İspaniya mətbuatına istinadən verdiyi məlumata görə, bu sözləri "Real"ın baş məşqçisi Joze Mourinyo İspaniya Kral Kubokunda "Atletiko" ilə final oyunundan (1:2) sonra deyib.
Təcrübəli mütəxəssis gələcəyi haqqında verilən sualı isə bir qədər kinayəli cavablandırıb: "Üç illik müqaviləm var. Hələlik rəhbərliklə gələcək işimlə bağlı danışmamışam. Ancaq görünən odur ki, siz jurnalistlər artıq məni "Çelsi"yə, Ançelottini isə "Real"a göndərmisiniz ".
