18:50
İspaniya Kral Kubokunda "Atletiko" ilə final oyunu öncəsi keçirilən mətbuat konfransına gəlməyən "Real"ın baş məşqçisi Joze Mourinyonun hərəkəti jurnalistlərin etirazına səbəb olub.
Qol.Az-ın sporx.com-a istinadən verdiyi məlumata görə, portuqaliyalı mütəxəssis yardımçısı Aitor Karankanı da konfransına göndərməyib.
"Atletiko"dan mətbuat konfransında baş məşqçi Dieqo Simeone, futbolçulardan Falkao və Qabi olsa da, Real"dan yalnız komandanın kapitanı Serxio Ramos tədbirdə iştirak edib.
Jurnalistlərin buna etiraz etdiyini görən S.Ramos deyib: "Mübahisə etməyə ehtiyac yoxdur. Mən kampitanam və burdayamsa, o da pis deyil. Biz sadəcə futboldan danışmaq istəyirik. Kim hansı kluba gedir, bizi ən az maraqlandıran məsələlərdir".
Jurnalistlərin "bəs siz bilmirsiniz ki, niyə baş məşqçi konfransa qatılmır" sualına cavab olaraq Ramos deyib ki, bu cür məsələlərələ heç vaxt maraqlanmır.
