18:50
Almaniyanın gənclərdən ibarət milli komandasının heyətinə türk əsilli iki futbolçu çağırılıb.
Qol.Az-ın məlumatına görə, baş məşqçi Rayner Adrionun İsraildə keçiriləcək U-21 komandaları arasında Avropa çempionatının final mərhələsi üçün açıqladığı 25 nəfərlik ilkin siyahıda “Hamburq”un yarımmüdafiəçisi Tolqay Arslan və “Bavariya”nın yarımmüdafiəçisi Əmrə Can da var.
Onların final mərhələsində iştirak edib-etməyəcəyi təlim-məşq toplanlşından sonra müəyyənləşəcək.
Qeyd edək ki, hazırda Almaniyanın A milli komandasında da iki türk oyunçu – “Real”lı Məsut Özil və “Borussiya”lı İlkay Gündoğan çıxış edir.
