18:50
"Çempinlar Liqasında "Borussiya" (Dortmund) ilə yarımfinal matçında çox az fərqlə finalı əldən verdik. Hədəfə bu qədər yaxın olub, ona çata bilməmək təəssüfləndiricidir. Bu məğlubiyyəti az da olsa unutdurmaq üçün İspaniya kubokunu qazanaraq azarkeşlərimizi sevindirmək istəyirik".
Qol.Az-ın məlumatına görə, bu sözləri "Real"ın futbolçusu Xabi Alonso İspaniya kubokunda "Atletiko" ilə final oyunu öncəsi klubun saytına danışarkən deyib.
Öz oyunlarını nümayiş etdirdikləri təqdirdə qələbə qazanacaqlarını düşünən yarımmüdafiəçi rəqib haqqında da danışıb: "Atletiko" sona qədər mübarizə aparan komandadır. Onlar da qalib gəlmək üçün bizim qədər istəklidir. Buna görə də son dərəcə maraqlı bir matç olacaq. Ümid edirəm ki, gülən tərəf biz olacağıq".
