15:16
“Qarabağ”da yeni təyinat baş tutub. Qol.Az-ın klubun saytına istinadən yaydığı xəbərə görə, tanınmış idman telejurnalisti Emin Abbasov bugündən etibarən “Qarabağ”ın idari sturukturunda çalışacaq. Emin Abbasov “Qarabağ”da aşağı yaş qruplarının baş koordinatoru vəzifəsinə təyinat alıb.
E.Abbasov klubun saytına açıqlamasında təyinatı ilə bağlı deyib: “Harada olmağımdan asılı olmayaraq, həmişə Azərbaycan futboluna xidmət etməyə çalışmışam. “Qarabağ” dan iş təklifi aldım və məmnuniyyətlə bu dəvəti qəbul etdim. Klubun direktoru Əmrah Çəlikəllə danışdıq, mənə hər cür dəstək verəcəyini söylədi. Belədə bütün bacarığımı nümayiş etdirmək üçün əla imkanlara malik olduğum bir məkana gəldiyimi anladım. Sözsüz ki, son 3-4 ildə “Qarabağ” Azərbaycan futboluna yeni nəfəs gətirib. Yerli futbolçulara verilən dəyər “Qarabağ” məfhumunu insanlara daha da doğmalaşdırıb. Təbii ki, günümüzdə futbol xüsusi inkişaf mexanizminə malikdir. Biz də futbolda tərəqqi edən bütün müsbət meyarlardan yararlanmaq üçün çalışacağıq. “Qarabağ” rəhbərliyi ilə söhbətlərdən əmin oldum ki, həqiqətən də klub üçün böyük ideyaları var. Hazırda klubun strukturu qurulur. Baza yaxında zamanda hazır olacaq. Bundan sonra “Qarabağ”ın bütün yaş qrupları üzrə komandalarına cavabdehlik daşıyacağam. Əlimdən gələn hər şeyi edəcəyəm ki, “Qarabağ”ın Futbol Akademiyası günü-gündən inkişaf etsin. Bu gün kollektivə təqdim olundum və daha sonra bütün yaş qrupları üzrə çalışan məşqçilərlə görüşümüz oldu. Komandalarımızın qazandığı nəticələr barədə məlumat verildi, mövcud vəziyyətlə bağlı müzakirələr aparıldı. Təbii ki, məsələnin texniki tərəfinə qarışmaq peşəkarlığa sığmır. Mənim işim futbolun idarəçilik, məşqçilər də isə meydanda olan hissəsidir. Əl-ələ verib klubumuzun gələcəyini qurmağa çalışacağıq. Futbolun inkişafını istəyiriksə, mütləq uşaq futboluna lazımi diqqət ayırmalıyıq. Başqa cür irəliləyiş əldə etmək mümkün olmayacaq. İşimiz çətin olsa da olduqca məsuliyyətlidir. Hədəfimiz “Qarabağ”ın simasında bütün Azərbaycan futboluna xidmət etməkdir. Hamı bilir ki, “Qarabağ”ın baş məşqçisi Qurban Qurbanov yerli gənclərlə işləməyə ütsünlük verən mütəxəssisdir. Bu məqam bizim məsuliyyətimizi birə-beş artırır. Çünki yalnız rəhbərlik deyil, həm də baş məşqçi hər zaman aşağı yaş qrupları üzrə komandaların durumunu nəzarət altında saxlayır. İnanıram ki, “Qarabağ”a fayda verəcəyəm”.
Avropa Liqasında 18 oyun
“Qarabağ”dan möhtəşəm qələbə!
Levandovski okeanın o tayına yollana bilər
ÇL-də 100-cü oyununa çıxdı
“Qarabağ” - “Ayntraxt” matçında ciddi problem yarandı
Afrika Kubokunun ən yaxşıları bilindi
"Qalatasaray" - "Atletiko" matçının start heyətləri
"Aston Villa" futbolçusunu vaxtından əvvəl geri qaytardı
“Qarabağ”ın “Ayntraxt”la oyun üçün heyəti
"Everton"un futbolçusu sıradan çıxdı
