"Tour d`Azerbaidjan" başa çatdı

"Tour d`Azerbaidjan" başa çatdı
XƏBƏR 5 May 2013 / 17:18 1875
-  A +

Ümummilli lider Heydər Əliyevin 90 illik yubileyinə həsr olunmuş "Tour d'Azerbaidjan" beynəlxalq velosiped turunun sonuncu - beşinci mərhələsi başa çatıb. Qol.Az-ın “Trend”ə istinadən yaydığı xəbərə görə, Azadlıq meydanından start götürən yarış iştirakçıları paytaxtın mərkəzi küçə və prospektlərini 12 dəfə dövrə vurublar. Marşrutun uzunluğu 144 kilometr olub.

"Synergy Baku Cycling Project"in velosipedçisi Konnor Makkonvi "Tour d`Azerbaidjan"ın dağ yolları üzrə qalibi olub.

Sprinter yarışlarında Azərbaycan komandasının idmançısı Kristof Şvaytser birinci yeri tutub. Ümumi təsnifatda Sergey Qreçin ("Torku Şekerspor", Türkiyə") qalib olub. İkincliyə Aleksandr Surutkoviç ("Synergy"), üçüncü yerə isə turun ən yaxşı gənc velosipedçisi seçilən Bəxtiyar Kojatayev (Qazaxıstan) layiq görülüb.

Komanda təsnifat cədvəlinə isə Portuqaliyanın "Efapel - Glassdrive" komandası başçılıq edib. Elçin Əsədov ən yaxşı Azərbaycan velosipedçisi elan olunub.

Daha çox


Son xəbərlər
21.01.26  17:30

“Roma”da ayrılıq

21.01.26  14:47

"Jirona" güclənir