Riçard Almeyda: “Şikayətlənmək yox, qələbə qazanmaq zamanıdır”

Riçard Almeyda: “Şikayətlənmək yox, qələbə qazanmaq zamanıdır”
XƏBƏR 29 Mart 2013 / 16:23 2213
-  A +

“Qarabağ”ın futbolçusu Riçard Almeyda Topaz Premyer Liqanın 24-cü turunun “Qəbələ” ilə oyunu öncəsi fikirlərini bölüşüb.
 
Qol.Az-ın məlumatına görə, klubun saytına açıqlama verən braziliyalı oyunçu “Qəbələ”nin güclü komanda olduğunu deyib:  “Bu il onlarla oyunlarımız olduqca çətin keçib. Bu dəfə də istisna deyil. Komandamız uzun müddətdir bir yerdə məşq etmir. Cəmi iki dəfə birlikdə məşq etmək şansımız olub. Amma şikayətlənmək yox, qələbə qazanmaq zamanıdır”.

Almeyda “Simurq”a məğlub olmalarından böyük dərs çıxardıqlarını qeyd edib: “Oyun çox çətin olacaq. Rəqibimizin avrokubok üçün tək yolu çempionatda uğur qazanmaqdır. Ona görə də üç xal üçün hər şey edəcəklər. Amma biz də eyni məqsəd üçün meydana çıxacağıq. Komandamızda itkilər var. Amma bu, bizə bəhanə ola bilməz. Yeni transferlərimiz Reynaldo, Torres də düzəliblər. Opara da səviyyəsini hiss etdirir. Sabah üç xal qazanıb rəqibə qarşı uğursuz sindroma son qoymaq istəyirik”.

Qeyd edək ki, “Qarabağ” – “Qəbələ” oyunu martın 30-u baş tutacaq.


Son xəbərlər