Rəşad Sadiqov: “Ronaldo Azərbaycanla oynamamaq üçün qəsdən sarı vərəqə alıb”

Rəşad Sadiqov: “Ronaldo Azərbaycanla oynamamaq üçün qəsdən sarı vərəqə alıb”
XƏBƏR 23 Mart 2013 / 02:36 4450
-  A +

Azərbaycan millisinin yarımmüdafiəçisi Rəşad Sadiqov Lüksümburqa qarşı keçirilən DÇ-2014-ün seçmə mərhələsinin oyununu (0:0) şərh edib.

Qol.Az-ın 1news.az saytına istinadən yaydığı xəbərə görə, o, ağır bir oyun keçdiyini qeyd edib: “Qələbə qazanmağımıza həm də meydançanın ağır durumu mane oldu. Ümumilikdə səfərdə bir xal qazanmaq pis nəticə sayılmamalıdır. Bizim üçün meydanın mərkəzində mübarizə aparmaq daha çətin idi. Çünki hücum taktikası seçilmişdi və vaxtında geri qayıda bilmirdik”.

R.Sadiqov martın 26-da Portuqaliyaya qarşı Bakıda keçiriləcək oyun haqda da danışıb: “Hesab etmirəm ki, Kriştiano Ronaldonun bu görüşdə iştirak etməməsi işimizi asanlaşdıracaq. Bir də mənə elə gəlir ki, Ronaldo qəsdən sarı vərəqə (ümumilikdə cari seçmə mərhələdə ikinci sarı vərəqə - red.) alıb ki, bizə qarşı oynamasın. Əgər siz diqqət yetirmisinizsə, o, ayağını qorumaq üçün çox da güclü olmayan komandalarla oyunu buraxır”.

Daha çox


Son xəbərlər