"İnanıram ki, uğursuzluğa son qoyduq"

"İnanıram ki, uğursuzluğa son qoyduq"
XƏBƏR 5 Mart 2013 / 17:55 2046
-  A +

"Ağır oyun oldu. Matçın gedişində hesabda önə çıxsaq da, təəssüf ki, hesabı saxlaya bilmədik".

Qol.Az-ın məlumatına görə, bu sözlər "Kəpəz"in futbolçusu Şahin Kərimov Premyer Liqanın 22-ci turunda "Simurq"la oyundan (1:1) sonra klubun saytına açıqlamasında deyib.

Son turda "Simurq"a qarşı görüşdə komandanı kapitan kimi meydana çıxarıb, qol da vurmağı bacaran Kərimov əldə olunan bir xalda hamının payı olduğunu bildirib: "Mən qol vurmaqla öz işimi gördüm. Qol vəziyyətini komanda yoldaşlarım yaratmışdı. Mən sadəcə epizodu tamamladım. Hamının əziyyəti var və bunu danmaq olmaz. Bir xala çox ehtiyacımız vardı".

Kərimov qazanılan bir xalın komandanın gələcək çıxışına müsbət mənada təsir edəcəyini sözlərinə əlavə edib: "Qara zolağa düşmüşdük. Nə xal qazana, nə də ki, qol vura bilirdik. İnanıram ki, uğursuzluğa son qoyduq. İndi məqsəd bunun ardını gətirməkdi. Altılıq oyunlarında yaxşı çıxış etməliyik. Başqa yolumuz yoxdur".

 

 

 


Son xəbərlər