Əfqan Talıbov: “Neftçi” Ballonu tam “bağlamışdı”

Əfqan Talıbov: “Neftçi” Ballonu tam “bağlamışdı”
XƏBƏR 3 Mart 2013 / 18:26 1976
-  A +

“Çempionatın liderinə qarşı oynayacağımızı bilirdik. Komandalar arasında həm xal, həm də ustalıq baxımından fərq olmasına baxmayaraq, futbolçuları oyuna kökləyə bilmişdik. İlk hissədə qol buraxsaq da, komanda yaxşı oynadı. Lakin ikinci hissədə bu alınmadı”.

Qol.Az-ın məlumatına görə, bu sözləri “Turan”ın baş məşqçisi Əfqan Talıbov Topaz Premyer Liqanın 22-ci turunda “Neftçi”yə 2:3 hesabı ilə uduzduqları oyundan sonra deyib.

O bildirib ki, “Neftçi” dəqiq ötürmələr hesabına oyunu ələ alıb: “Bundan sonra müdafiədə səhvlər buraxmağa başladıq. Ender Günlü hər iki hissədə yaxşı təsir bağışladı, oyunun ən yaxşısı idi. Rəqib Salif Ballonu tam “bağlamışdı”. Aleksandr Krutskeviçin cəzalı duruma düşməsi bizim üçün böyük itkidir”.


Son xəbərlər