21:43
Beynəlxalq Olimpiya Komitəsinin (İOC) İcraiyyə Komitəsinin 2020-ci il Yay Olimpiya Oyunlarının proqramından güləşin çıxarılmasına dair təklifinin səbəbləri müəyyənləşib. Lent.az-ın məlumatına görə, “Associated Press”in İOC-dan əldə etdiyi sənədlərdə 2012-ci il London Yay Olimpiya Oyunlarında güləşin telereytinqinin aşağı olması və bu növ üzrə yarışlara baxanların say azlığı göstərilib.
Belə bir qərar London olimpiadasındakı 26 idman növü ilə bağlı İOC Komissiyasının apardığı hərtərəfli təhlil əsasında qəbul olunub. Təhlil 39 meyar, o cümlədən, televiziya reytinqləri, bilet satışları, dopinqlə mübarizə və dünyada populyarlıq üzrə aparılıb. Məruzədə reytinq və ya tövsiyələr yox, yalnız fakt və informasiyalar yer alıb.
Qərarın səbəbləri rəsmən göstərilməyib, lakin İOC sənədləri bu suala müəyyən cavabı verir. Güləş bir neçə texniki meyar üzrə aşağı qiymət alıb. İzləmə sayı 10 ballıq şkala üzrə 5 bal olub. 116854 biletdən cəmi 113851-i satılıb. Televiziya ilə güləşə bir gün ərzində maksimum 58,5 milyon, orta hesabla isə 23 milyon insan baxıb. Habelə, internet və mətbuat vasitəsilə güləş yarışlarının işıqlandırılması aşağı səviyyədə olub.
İOC-dan həmçinin bildirirlər ki, Beynəlxalq Güləş Federasiyaları Assosiasiyasının (FİLA) qərarlar qəbul edən mühüm orqanlarında hazırda da idmanla məşğul olanlar, FİLA-nın İcraiyyə Komitəsində isə tibb işçiləri yer almırlar, qadın komissiyası, hakimlər və əməkdaşlar üçün davranış qaydaları yoxdur.
Müasir beşnövçülük də izləmə sayında (5,2 bal) və telereytinqdə (33,5 milyon tamaşaçı, orta hesabla 12,5 milyon tamaşaçı) aşağı qiymət alıb. FİLA-nın tərkibinə 177 milli federasiya daxildirsə, Beynəlxalq Müasir Beşnövçülük İttifaqında 108 ölkə cəmləşib. Lakin digər göstəricilərdəki daha yüksək qiymətlər sayəsində müasir beşnövçülük olimpiada proqramında qala bilib.
Qeyd edək ki, İOC İcraiyyə Komitəsinin mayda Rusiyanın Sankt-Peterburqda keçirəcəyi iclasında güləş və daha 7 namizəd növdən hansının 2020-ci il Yay Olimpiya Oyunlarının proqramına salınmasının münasibliyi açıqlanacaq. Yekun qərar isə İOC-un sentyabrın 7-də Argentinanın paytaxtı Buenos-Ayresdə baş tutacaq 125-ci Sessiyasında veriləcək.
Messi 1-ci, Ronaldo 4-cü - Tarixin ən yaxşıları
Səudiyyə Ərəbistanından Salaha səxavətli təklif
"Şamaxı"da növbəti ayrılıq
Azərbaycan millisi İtaliyanı belə məğlub etdi - Video
"Rayo Valyekano"da baş məşqçi ayrılığı
PSJ ÇL-i qazansa, oyunçularına 1 milyon avro mükafat verəcək
"Kəpəz" kapitanı ilə müqaviləni uzatdı
Trippyerin yeni klubu məlum oldu
"Ağstafa Gəncləri" 2-ci liqadakı yerini qorudu
Bu yay "Barselona"dan gedir
"Əl-Nəsr" Jorje Jesusun ayrılığını açıqladı
"Karvan-Yevlax" baş məşqçisi ilə yolları ayırdı
"Qarabağ"ın legioneri milliyə çağırıldı
ÇL-i qazansalar, hər futbolçuya 1 milyon veriləcək
"Barselona" 100 milyonluq rəsmi təklif göndərdi
İtaliya klubu Tedesko ilə danışıq aparır
La Liqanı tərk etsələr də, Demiçelislə müqavilə uzadıldı
“İmişli”dən futbol veteranlarına bayram jesti
Qvardiol "Barselona"nın maraq dairəsində
Konate "Liverpul"dan gedir
Messinin 6-cı dünya çempionatı
Kassano özünü “Qızıl top” sahiblərindən üstün sayır
