“Bakı” daha bir hücumçu alır

XƏBƏR 24 Yanvar 2013 / 14:37 2541
-  A +

“Hazırda komandamızda baxışda olan futbolçularla bağlı qərar keçirəcəyimiz yoxlama oyunlarından sonra veriləcək”. Bu fikirləri Qol.Az-a “Bakı”nın vitse-prezidenti Zeynal Məmmədov məlumat verib. Komandalarda 3-4 əcnəbinin baxışda olduğunu söyləyən Z.Məmmədov onların bu gün keçirilən iki yoxlama oyununda iştirak edəcəyini bildirib: “Bu görüşlərdən sonra həmin futbolçularla müqavilə imzalanıb-imzalanmayacağı müəyyənləşəcək”.

Z.Məmmədov qış transferində “Bakı”nın Rauf Əliyevədən başqa, digər bir hücumçu alacaqlarını da deyib: “Mən hələlik həmin futbolçunun  və təmsil etdiyi ölkənin adını açıqlamaq istəmirəm. Onu deyə bilərəm ki, bu futbolçu ilə birbaşa müqavilə imzalanacaq. Yaxın günlərdə transfer edəcəyimiz hücumçu ilə bağlı rəsmi açıqlama veriləcək”.


Son xəbərlər