"Bakı"nın qapıçısı yaddaşını itirib

"Bakı"nın qapıçısı yaddaşını itirib
XƏBƏR 23 Dekabr 2012 / 02:36 3372
-  A +

Azərbaycan Premyer Liqasının XVIII turu çərçivəsində "Şəfa" stadionunda keçirilən "İnter" - "Bakı" oyunu "zolaqlılar" üçün ağır itki ilə nəticələnib.

Qol.Az-ın klubun rəsmi saytına istinadən verdiyi məlumata görə, oyunun 55-ci dəqiqəsində "Bakı"nın qapıçısı Edin Nuredinoski "İnter"in hücumçusu Samir Zərgərovla toqquşaraq başından ciddi zərbə alıb.

Bir müddət huşunu itirən qapıçı təcili yardım avtomobli ilə xəstəxanaya çatdırılıb. Qapıçını Mərkəzi gömrük klinikasına müşayət edən komandanın həkimi Rafiq Hüseynovun açıqlamasına əsasən Nuredineskinin zədəsi ciddidir. Makedoniyalı qolkiper güclü zərbədən yaddaşını itirib.

Tomoqrafiya çəkilişinin analizi həyat üçün təhlükə olmadığını göstərsə də, vəziyyət ciddiliyini qoruyur. İkinci dəfə müayinə olunan qapıçının durumunun ağır olduğu bir daha təsdiqini tapıb. Həkimlərin yekdil rəyinə əsasən, Nuredineski ən azı 2 gün ciddi nəzarətdə olacaq.

Makedoniyalı futbolçunun xəstəxananı nə zaman tərk edəcəyi də 2 gündən sonra məlum olacaq.

 


Son xəbərlər