Foqts: “Futbolçulara tapşırmışam ki, fiziki durumları üzərində işləsinlər”

Foqts: “Futbolçulara tapşırmışam ki, fiziki durumları üzərində işləsinlər”
XƏBƏR 17 Dekabr 2012 / 16:47 1879
-  A +

Azərbaycan milli komandasının baş məşqçisi Berti Foqts bu gün jurnalistlərin suallarını cavablandırıb. Qol.Az-ın məlumatına görə, o, yığmanın builki çıxışlarına toxunub.


- Millimizin 2012-ci ildəki oyunlarını necə dəyərləndirirsiniz?

- Bir baş məşqçi kimi komandanın, son üç çətin oyunundan razı qalmaq olar. Nəzərə almaq lazımdır ki, bizim üç çətin səfər qarşılaşmamız olub. Mənə elə gəlir ki, pis nəticə qazanmamışıq. Məni təəssüfləndirən İsrailə qarşı ev oyunu oldu. Həmin görüşdə üç xal qazanmalıydıq. Yaxşı çıxış etməyimizə baxmayaraq, hesabı qoruyub saxlaya bilmədik.  Ümumilikdə götürsək həm komandamın oyunundan, həm də futbolçulardan razı qaldım. İnanıram ki, növbəti ildə daha yaxşı nəticə əldə edəcəyik.

- Millimiz demək olar ki, bütün oyunlarda 65-ci dəqiqəyə qədər yaxşı çıxış edir. Bundan sonra qapımızda qol görürük. Elə Şimali İrlandiyaya qarşı oyundada bunun şahidi olduq. Müdafiədə oynamaq sizin tapşırığınızdı, yoxsa, futbolçularınız fiziki baxımdan çatdıra bilmir?
 
- Bu, mənim tapşırığım deyil.  Mən hər zaman istəmişəm ki, komandam gözəl futbol nümayiş etdirsin. Oyunçulara tapşırmışam ki, fiziki durumları üzərində xeyli işləsinlər.  Belə olan halda biz doxsan dəqiqə hücumameylli futbol oynaya bilərik.


- Özbəkistanla yoldaşlıq oyununun təxirə salındığı deyilir. Bu nə dərəcədə doğru məlumat idi?

- Belə bir şey yoxdur. Daha doğrusu, mənim bundan xəbərim yoxdur. Oyun təxirə salınmayıb. Sadəcə, adi bir sınaq oyunu olacaq. Fevralın 1-də hər iki komandanın məqsədi bəzi oyunçuları sınaqdan keçirmək olacaq. Rəsmi görüş kimi isə yalnız Lixtenşteynlə üz-üzə gələcəyik.

- Elnur Allahverdiyevin milliyə qaytarılması mümkündür?

- Hələlik bu haqda heç nə deyə bilmərəm. Bir qədər də gözləmək lazımdır.

Əli HƏYATİ

 

Daha çox


Son xəbərlər