Mançini: "Avroliqada oynamaq istəyirik"

Mançini: "Avroliqada oynamaq istəyirik"
XƏBƏR 22 Noyabr 2012 / 13:41 1617
-  A +

"Mançester Siti" klubunun baş məşqçisi Roberto Mançini dünən "Real"la oyundan sonra fikirlərini bölüşüb.

Qol.Az-ın məlumatına görə, italiyalı mütəxəssis Avroliqada yoluna davam etmək istədiklərini bildirib:

"Əslində biz dünən yox, daha öncə qrupdan çıxmaq şansımızı itirmişdik. Püşkatmadan sonra bizi çətin oyunların gözlədiyini bilirdik. Həm "Borussiya", həm də "Real" güclü komandalardır. Növbəti mərhələyə adlamağı çox istəyirdik. Ancaq alınmadı. Hər kəs kimi mən də üzgünəm. İlk hissədə "Real", fasilədən sonra biz daha yaxşı oynadıq. Azarkeşlərə bizi sonadək dəstəklədikləri üçün təşəkkür edirəm. Çempionlar Liqasında mübarizəni dayandırsaq da, Avroliqada yolumuza davam etmək istəyirik".

Qeyd edək ki, dünən keçirilən "Mançester Siti" - "Real" oyunu 1:1 hesabı ilə başa çatıb.


Son xəbərlər