"Bu günə qədər gördüyüm ən yaxşı qol idi"

"Bu günə qədər gördüyüm ən yaxşı qol idi"
XƏBƏR 15 Noyabr 2012 / 13:11 2758
-  A +

İngiltərə milli komandasının yarımmüdafiəçisi Stiven Cerrard dünən İsveçlə keçirilən oyun haqda danışıb.

Qol.Az-ın məlumatına görə, əsasən Zlatan İbrahimoviçin qolunu şərh edən Cerrard həmin topu canlı olaraq gördüyü ən yaxşı qol adlandırıb:

"Zinəddin Zidan gördüyüm ən yaxşı futbolçudur. Öz dövründə ən yaxşı o idi. Ancaq İbrahimoviç də dünyanın səviyyəli futbolçularındandır. Onun dünən bizə vurduğu top bu günədək canlı gördüyüm ən yaxşı qol idi. Qapıya uzaq məsafədən və çətin vəziyyətdən belə qol vurmaq hər futbolçunun işi deyil. Belədə sadəcə, onu alqışlamaq qalırdı. Oyuna gəldikdə isə bəzi futbolçular millidə ilk matçlarına çıxırdılar. Ona görə də ikinci hissədə komandada bir qədər eniş oldu. Ancaq əsas məqsədimiz dünya çempionatının final mərhələsinə qatılmaqdır. Bunu bacaracağımıza inanıram".

Qeyd edək ki, İsveç - İngiltərə yoldaşlıq görüşü 4:2 hesabı ilə meydan sahiblərinin xeyrinə başa çatıb.


Son xəbərlər
22.12.25  18:07

Qallaher, yoxsa Neves?