Arif Əsədov yeni təyinatından danışdı

Arif Əsədov yeni təyinatından danışdı
XƏBƏR 5 Noyabr 2012 / 18:47 3202
-  A +

“AFFA-nın baş katibi Elxan Məmmədov mənə telefon açdı. Ötən həftənin şənbə günü onunla görüşümüz baş tutdu. Görüşdə AFFA prezidenti Rövnəq Abdullayevin adından U-19 baş məşqçi vəzifəsi mənə təklif olundu”.

Qol.Az-ın müxbiri ilə söhbətində bu sözləri Azərbaycanın 19 yaşadək futbolçulardan ibarət milli komandasının yeni baş məşqçisi Arif Əsədov deyib.

Təyinatı haqda danışarkən A.Əsədov bildirib: “Bu vəzifə mənə təklif olunanda orada Vəli Qasımovun işlədiyini dedim. Mənə bildirildi ki, Vəli Qasımovla müqavilənin müddəti başa çatıb.  Sabah mən Elxan Məmmədovla görüşərək müqavilə ilə bağlı bütün  məsələləri həll edəcəyik”.

Yeni komandasında hansısa dəyişiklik olub-olmayacağı haqda fikirlərini açıqlayan A.Əsədov bunları söyləyib: “Bu barədə indidən dəqiq bir söz deyə bilmərəm. Lakin mən olduğum yerdə nizam-intizam qaydasına xüsusi diqqət yetirirəm. Əlbəttə, bu, futbolda mütləqdir. Sonrasına baxarıq”.


Son xəbərlər
22.12.25  18:07

Qallaher, yoxsa Neves?