22:57
Yaxın vaxtlarda boks üzrə Azərbaycan milli komandasına yeni baş məşqçi təyin olunacaq. Bu, ukraynalı Vladimir Zolotaryovdur.
60 yaşlı mütəxəssis ölkəmizə gələnədək Ukraynanın gənclərdən ibarət yığmasının baş məşqçisi olub. Lakin o, daha çox dünyaca məşhur Vladimir və Vitali Kliçko qardaşlarının ilk məşqçisi kimi tanınır. Məhz Zolotaryovun rəhbərliyi altında Vladimir Kliçko 1996-cı il Atlanta Yay Olimpiya Oyunlarında qızıl medal qazanıb.
Azərbaycan Boks Federasiyasının baş katibi Nağı Səfərov Lent.az-a açıqlamasında Zolotaryovun yığmamıza baş məşqçi təyinatının hələlik rəsmiləşmədiyini bildirib. Onun sözlərinə görə, təcrübəli mütəxəssis sınaq məqsədilə cəlb olunub. O, hazırda Qəbələdə təlim-məşq toplantısında olan Azərbaycan yığmasının hazırlıq prosesinə nəzarət edir. Səfərov bildirib ki, ukraynalının işi federasiya rəhbərliyini qane etsə, danışıqlar aparılacaq və rəsmi müqavilə imzalanacaq. Zolotaryovun əməyinin nəticəsi isə 14 – 17 noyabrda Bakıda keçiriləcək tələbələr arasında dünya çempionatında üzə çıxacaq.
Qeyd edək ki, Azərbaycan milli komandası 2012-ci il London Yay Olimpiya Oyunlarında Nəriman Abdullayevin rəhbərliyi altında çıxış edib və 2 bürünc medal qazanıb. Həmin medallara Teymur Məmmədov (91 kq) və Məhəmmədrəsul Məcidov (+91 kq) sahib olub.
Enrike, Mareska, Flik...
Qallaher, yoxsa Neves?
"Arsenal" Fransa klubunda çıxış edən futbolçuya göz dikdi
Komandasını tribunada təkbaşına dəstəklədi
"Barselona"nın müdafiəçisi zədələndi
"Liverpul" İsakdan narahatdır
“Araz-Naxçıvan”ın qələbəsindən - Video
"Qarabağ"ın rəqibinin hücumçusu klubdan ayrılmağa hazırlaşır
"Atletiko" səfərdə inamlı qələbə qazandı
"Əzmkar qələbə qazandıq" - Elmar Baxşıyev
"Bu qədər qol epizodu ilə qalib gələ bilmədiyimiz oyunu xatırlamıram" - Ayxan Abbasov
Türkiyə klubundan istefa xəbəri gəldi
"Qarabağ" "Qəbələyə", "Araz-Naxçıvan" "Şamaxı"ya qalib gəldi
"Qəbələ" - "Qarabağ" matçındakı 3 qol - Video
PSV-dən yeni rekord
"Barselona"nın futbolçusu sıradan çıxdı
