Qurban Qurbanov: “Foqtsun danışıqlarına önəm verməli deyilik”

XƏBƏR 14 Oktyabr 2012 / 13:00 3598

- A +

“Qarabağ” komandasnın baş məşqçisi Qurban Qurbanovun Qol.Az saytına müsahibəsi.

- Növbəti turda “Bakı” ilə qarşılaşırsınız. Bu oyun haqda fikirlərinizi bilmək istərdik...

- Bu barədə bir az narahatam. Gördüyünüz kimi futbolçuların hamısının xidmətindən istifadə edə bilmirəm. Bu da bizə cətinlik yaradır. “Bakı” ilə oyun çətin olacaq, amma baxaq görək futbolçularımız düşərgəyə hansı vəziyyətdə qayıdacaq.

- Millinin Rusiya ilə oyunu haqda nə düşünürsüz. Son oyunda ruslar Portuqaliya kimi rəqibi məğlubiyyətə uğratdı...

- Sözsüz, çətin olacaq. Ancaq digər tərəfdən onlarda yorğunluq olacaq. Bizim komanda isə oynamadı , əksinə, istirahət etdi. Yenə də Rusiya kimi rəqibə qarşı oynamaq asan olmayacaq. Ən azından maraqlı qarşılaşma gözləyirəm.

- Berti Foqts klublardakı hazırlıqdan narazı qalaraq, yerli məşqçilərin ünvanına tənqidi fikirlər söyləyib. Buna münasibətiniz?

- Foqtsdu da, danışır. Biz onun danışdıqlarına önəm verməli deyilik. Mən daim çalışıram ki, təcrübə toparlayım. Təkcə bu yaşda yox, hər bir yaşda buna ehtiyac var.

- Belə qənaətə gəlmək olar ki, Foqts bizim məşqçilərə yuxarıdan aşağı baxır. Çünki hər açıqlamalarında yerli məşqçilərin əleyhinə fikirlər səsləndirir...

- Foqts bu gün milli komandanın baş məşqçisidir, üzərində böyük məsuliyyət var. Ona görə, bəzən bu cür açıqlamalar verir.

- Rəşadın durumu nə yerdədir?

- Rəşad bir də müayinədən keçməli idi. Ancaq Rusiya ilə oyunöncəsi əlaqə saxlaya bilməmişəm.

- “Qarabağ” milli komandaya ən çox oyunçu verən komandadır. Ancaq futbolçularınız millinin düşərgəsindən qayıtdıqdan sonra zəif təsir bağışlayır...

- Yenə eyni problemlə üzləşə bilərik. Çünki 12-13 gündür artıq futbolçular bizdən kənarda məşq edirlər və hansı durumda dönəcəkləri məlum deyil. “Bakı” kimi rəqibə qarşı da ciddi hazırlaşmalıyıq. Maksimum çalışacağıq ki, oyuna normal heyətlə çıxaq.

- Milli komandanın oyunlarıyla əlaqədar çempionata uzun fasilə verilməsi sizcə, nə dərəcədə doğrudur?

- Təbii, bu cür uzun fasilənin olması problemlərə səbəb olur. Mən öz komandamdan götürürəm. Milli komandanın son oyunundan sonra AZAL-a 2:6 uduzduq. Bu cür uzun fasilələr zamanı istər-istəməz, futbolçuların funksional və taktiki səviyəsi aşağı düşür. Futbolçumuzun 10-15 gün klubdan ayrı məşq etməsi bizim üçün böyük problemdir.

- Əfran İsmayılovun durumu nə yerdədi?

- Əfran fərdi məşqlərə başlayıb. Ancaq yaxın vaxtlarda hazır olacağı inandırıcı görünmür.

- Qış transferində komandada hansısa dəyişiklər gözlənilirmi?

- Bəli, dəyişiliklər olacaq. Ancaq hansı mövqeyə olunacağı barəsində indidən heçnə demək istəmirəm.

Şükür CAVAD

Daha çox